Çarlz Cervas

Çarlz Cervas (ingl. Charles Jervas; yaqınça 1675 yıl, Şinron — 1739 yılnıñ 2 noyäbre, London) — rässam-portretçı, sänğät äsärläre kolleksionerı häm tärcemäçe, Angliä patşalarınıñ saray rässamı.

Çarlz Cervas ingl. Charles Jervas
Avtoportret
Tuu datası	yaqınça 1675
Tuu urını	Şinron
Ülem datası	2 noyäber 1739
Ülem urını	Böyekbritaniä, London
Janr	portret

Biografiäse

Dvorän ğailäsendä tuğan. Anıñ ätise Con Cervas — lendlord-cir xucası, änise — ledi Elizabet Balduin, kapitan, graflıq yuğarı şerifı häm Şinron-Kastl zamogı xucası Ser Con Balduinnıñ qızı. Çarlznıñ balaçağı Dublinda uzğan. Malaynıñ räsem yasarğa säläte yäş çağında uq açıqlanğan, äti-änise anıñ mawığuın xuplağan. 1694—1695 yıllarda ul Londonda Godfri Knellerdan, anıñ «Räsem sänğäte häm grafika akademiäsendä» (Kneller Academy of Painting and Drawing) räsem sänğäten öyrängän. Ğailä şulay uq 1698 yılda Çarlz Cervasnıñ İtaliägä uqu säfären finanslağan.

1709 yılda Angliägä qaytqaç, bay tol xatın Penelopa Hyumğa öylängän häm London yanındağı Hemptonda yäşägän. Bu çorda rässam portret räsem sänğäte belän citdi mawıqqan, ul Conatan Svift, Aleksandr Pop, Cozef Eddison portretların yazğan. 1723 yılda anıñ uqıtuçısı Godfri Kneller ülgäç, patşa Georg I Cervasqa saray rässamı isemen birgän. Bu postnı ul Georg II waqıtında da saqlağan. 1738 yılda rässamnı patşa İtaliägä iske ostalarnıñ kartinaların satıp alu maqsatı belän cibärgän. Qaytuınnan soñ astma belän awırğan Cervas awırıy häm tizdän wafat bulğan.

Şulay uq ädäbi icat häm näfis tärcemä belän şöğellängän. Migel Servantesnıñ «Don Kixot» romanın ispan telennän ingliz telenä tärcemä itkän (1742 yılda, Cervas ülgännän soñ bastırılğan).

Ädäbiät

• William Kurtz Wimsatt: The Portraits of Alexander Pope, Yale (1965)
• James Mulraine: The British Face — 400 years of British, Irish, and colonial portraiture, (2002)

Sıltamalar

• Çarlz Cervas 2007 елның 7 август көнендә архивланган.(ингл.)