Sarek (milli park)
Sarek milli parkı (şved. Sareks nationalpark) — Şvetsiä tönyağındağı Lappland[en] provinsiäseneñ Norrbotten[en] läneneñ Yokmokk[en] kommunasında milli park. Stura-Şöffallet[en] häm Padyelanta[en] milli parkları belän çiktäş. Sarek milli parkı turistlar häm alpinistlar arasında populär.
| Sarek milli parkı şved. Sareks nationalpark | |
 | |
| TSXB[en] kategoriäse — II (Milli park[en]) | |
|---|---|
| Töp mäğlümat | |
| Mäydan |
1970 km²[1] |
| Nigezlänü datası | |
| İdäräçe oyışma |
Şvetsiä äylänä-tirä moxitne saqlaw agentlığı |
| Urnaşu | |
| İl | |
| Län[en] | |
Milli park üzeneñ forması buyınça urtaça diametrı 50 kilometr çaması bulğan tügäräkne xäterlätä. Sareknıñ ike küpere genä bar; parkta salınğan marşrutlar yuq. Monnan tış, ul urnaşqan ölkä Şvetsiädä iñ yañğırlılarnıñ berse bulıp tora, bu park buyınça cäyäw yörüne hawa şartlarına nıq bäyle itä.
Milli parkta 2000 metrdan artıq bieklektäge sigez taw bar, alar arasında Şvetsiädä bieklege buyınça ikençe taw — Sarekçokko[en].
Diñgez öste tigezlegennän 1800 metr bieklektä 1900-yıllar başında Aksel Hamberg[en] tırışlığı belän tözelgän observatoriä urnaşqan.
Sarek milli parkında yözgä yaqın bozlıq bar. Şvetsiäneñ başqa berniçä milli parkı belän bergä Sarek Awrupadağı iñ borınğı milli park bulıp tora. Muddus[en], Padyelanta häm Stura-Şöfallet milli parkları, şulay uq Syaunya[sv] häm Stubba tabiği rezervatları belän berrättän, Sarek 1996 yıldan UNESCO bötendönya mirası isemlegenä[en] Laponiä[en] öleşe bularaq kerä.
Milli park territoriäsendä imezüçelärneñ 24 töre, qoşlarnıñ 142 töre, reptiliälärneñ 2 töre häm balıqlarnıñ 12 töre terkälgän[2].
Fotografiälär
үзгәртү
İskärmälär
үзгәртү- ↑ Sarek National Park - Swedish EPA. әлеге чыганактан 2011-11-22 архивланды. 2024-10-12 тикшерелгән.
- ↑ Kai Curry-Lindahl. Sarek, Stora Sjofallet, Padjelanta. Three national parks in Swedish Lapland. — 1968.
Sıltamalar
үзгәртү- Sarek milli parkı. әлеге чыганактан 2009-04-04 архивланды.. Şvetsiä äylänä-tirä moxitne saqlaw agentlığı.
- Sarek milli parkına cäyäw yörülär.(алм.)