Böyekbritaniäneñ Awrupa Berlegendä qalu-qalmaw referendumı
Böyekbritaniäneñ Awrupa Berlegendä qalu-qalmaw referendumı yäki Böyekbritaniäneñ Awrupa Berlegendä äğzalığı xaqında referendum yäki Breksit (inglizçä United Kingdom European Union membership referendum, EU referendum) - 2016 yılnıñ 23 iyünendä Böyekbritaniädä häm Gibraltarda uzğan Awrupa Berlegendä qala-qalmawğa referendum.
| Böyekbritaniäneñ Awrupa Berlegendä äğzalığı xaqında referendum 23 iyün 2016 yıl | ||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Berläşkän Patşalıq (Böyekbritaniä) Awrupa Berlegeneñ äğzası bulıp qalırğa tieşme? Should the United Kingdom remain a member of the European Union?
| ||||||||||||||||||||||||||||||
Referendumda Böyekbritaniä, İrlandiä, Millätlär Duslığı watandaşları qatnaşalar.
Ğomumi saylawlardan ayırım bularaq älege tawış birüdä Lordlar pulatı äğzaları häm Gibraltarda yäşäwçe Millätlär Duslığı watandaşları qatnaşa.
Tawış birü näticäsendä Böyekbritaniä tawış birüçeläreneñ 51,9 %ı Awrupa Berlegennän çığunı xuplıy, 48,1% qarşı bula. Saylaw xoquqı bulğan xalıqnıñ 72 %ı tawış birä. 1990 yıldan birle bu saylawda qatnaşunıñ iñ yaxşı kürsätkeçe.
Şulay itep Böyekbritaniäneñ Awrupa Berlegennän çığunı yaqlawçı tarafdarları ciñä.
Britaniä premyer-ministrı Devid Kemeron, referendum näticäläre säbäple, oktäber ayında wazifasınnan kitäçägen belderä.
Referendum näticälärennän soñ comğa irtän Britaniäneñ aqça berämlege bulğan funt sterling bäyäse 10 protsentqa töşte. Neft miçkäse bäyäse 6 protsentqa kimep 47,89 dollar qaldı.
Şotlandiä xökümäte Awrupa Berlegendä qalu öçen Britaniädän bäysezlek turında yaña referendum ütkärü ixtimalın belderä.
Sıltamalar
үзгәртү- http://www.azatliq.org/a/27817461.html Британиядә референдум нәтиҗәләре: премьер вазифасыннан китәчәк
- www.electoralcommission.org.uk 2016 елның 12 март көнендә архивланган.(ингл.)
- www.openeurope.org.uk(ингл.)
- www.reformineurope.org 2016 елның 2 февраль көнендә архивланган.(ингл.)
- Референдум о членстве Британии в ЕС в вопросах и ответах