Altay Mämmädov
Altay Mämmädov, Altay Yosıf ulı Mämmädov (äzeri. Altay Yusif oğlu Məmmədov; 1930 yılnıñ 15 mayı, SSRB, KaSFSR, Äzerbaycan SSR, Gäncä — 2003 yılnıñ 15 iyüle, Äzerbaycan, Gäncä) — prozaik, dramaturg, ädäbi tänqitçe, tärcemäçe, 1957 yıldan Äzerbaycan yazuçılar berlege äğzası, Äzerbaycannıñ atqazanğan mädäniät eşleklese (1971), filologiä fännäre kandidatı (1964), dotsent (1965)[1].
| Altay Mämmädov äzeri. Altay Məmmədov | |
 | |
| Tuu datası | |
|---|---|
| Tuu urını | |
| Ülem datası | |
| Ülem urını | |
| Watandaşlıq | |
| Eşçänlek töre | |
Biografiäse
үзгәртүAltay Yosıf ulı 1930 yılnıñ 15 mayında Gäncä şähärendä tuğan[2]. Anda ul 4-nçe eşçe yäşlär mäktäben tämamlağan, ä 1943—1949 yıllarda säğätçe uquçısı, osta yärdämçese, osta bulıp eşlägän.
H. Zärdabi isemendäge Kirovabad däwlät pedagogiä institutınıñ[az] tel häm ädäbiät fakultetına uqırğa kergän (1949). Bu institutnı ul yaxşı bilgelär belän tämamlağan häm Äzerbaycan ädäbiätı tarixı kafedrasınıñ ölkän uqıtuçısı bulıp qalğan.
Student yıllarında «Kirovabad eşçese» gäzite möxärriätendä qorrektor, «Gäncä kommunistı» gäzite möxärriätendä ädäbi xezmätkär bulıp eşlägän (1951—1953).
Ädäbi eşçänlegen 1950 yılda «Ädäbiät gäzite»ndä basılğan «Eşçedän ğalimgä» oçergı belän başlağan. 1953 yılnıñ mayınnan «Kirovabad kommunistı» gäzite möxärriätendä cawaplı sekretar’ (1955), Äzerbaycan yazuçılar berlegeneñ Gäncä bülege räise (1962), H. Zärdabi isemendäge däwlät pedagogiä institutınıñ fänni eş buyınça prorektorı (1970—1974), bu institutnıñ Äzerbaycan ädäbiätı häm anı uqıtu metodikası kafedrası dotsentı (1974—2003) bulğan. Nizami şiğriät teatrınıñ sänğät citäkçese.
1959 yıldan altı tapqır Xalıq deputatlarınıñ şähär Sovetı deputatı itep saylanğan.
Anıñ äsärläre ispan, ingliz, ğäräp, farsı, macar, eston, tacik häm tamil tellärenä tärcemä itelgän[1].
Urıs telennän äzerbaycan telenä Abdukaxxar İbrahimovnıñ «Berençe avtobus», Otar İoselianinıñ «Telega äylänmäde» häm Vasiliy Şukşinnıñ «Tere keşelär» äsärlären tärcemä itkän.
2003 yılnıñ 15 iyülendä Gäncädä wafat bulğan.
Büläkläre
үзгәртүİskärmälär
үзгәртү- ↑ 1,0 1,1 Altay Yusif oğlu Məmmədov. /milliarxiv.gov.az. әлеге чыганактан 2022-07-01 архивланды.
- ↑ GƏNCƏNİN XAN ÇİNARI - ALTAY MƏMMƏDOV YERİ GÖRÜNƏN YAZIÇI. www.anl.az. әлеге чыганактан 2020-01-15 архивланды.
- ↑ Yazıçı A.Y.Məmmədovun Azərbaycan SSR Ali Sovetinin Fəxri Fərmanı ilə təltif edilməsi haqqında Azərbaycan SSR Ali Soveti Rəyasət Heyətinin 14 may 1980-ci il tarixli Fərmanı — anl.az saytı
- ↑ Azərbaycan Respublikası Prezidentinin fərdi təqaüdlərinin verilməsi haqqında Azərbaycan Respublikası Prezidentinin Sərəncamı (az). e-qanun.az. 04.10.2023 тикшерелгән.
Sıltamalar
үзгәртү- Altay Yusifoğlunun (Məmmədov) şəxsi saytı 2013 елның 5 февраль көнендә архивланган.