Añkan Kalayanapoñ
Añkan Kalayanapoñ (tay. อังคาร กัลยาณพงศ์; 1926 yılnıñ 13 fevrale, Siam, Nakhonsitthammarat[en] — 2012 yılnıñ 25 avgustı, Tailand, Bangkok, Watthana[en]) — kürenekle Tailand şağire häm rässamı. 1986 yılda SEATO[en] ädäbi premiäsen alğan. 1989 yılda Tailand xalıq artistı isemen alğan[2].
| Añkan Kalayanapoñ tay. อังคาร กัลยาณพงศ์ | |
 | |
| Tuu datası | |
|---|---|
| Tuu urını | |
| Ülem datası | |
| Ülem urını | |
| Watandaşlıq | |
| Belem | |
| Eşçänlek töre | |
| Büläklär |
Tailand milli artistı (1989) |
İrtä yılları
үзгәртүAñkan Kalayanapoñ Tailandnıñ könyağında Nakhonsitthammarat[en] provinsiäsendä tuğan. Yuğarı sıynıflarda uqığanda ul şiğirlär yaza başlağan. Mäktäptän soñ Añkan Sinlapakon universitetına uqırğa kergän, anda anıñ uqıtuçılarınıñ berse universitetqa nigez saluçı kürenekle italyan arxitektorı häm skulptorı Silpa Bhirasri (çın iseme — Korrado Feroçi) bulğan[3].
Karyerası
үзгәртү1950-yıllarda ul üzeneñ xezmätlären bastıra başlağan. Tay şiğriätendä novator. Küp kenä ädäbiät belgeçläre süzlärençä, näq menä Kalayanapoñ traditsion tay ısulı häm yaña tendensiälär arasında küper tözegän. Şağir üz şiğirlärendä söyläm leksikasın, neologizmnarnı, inglizçäleklärne qullanğan, paradokslarğa häm oksümoronnarğa[en] moda kertkän. Şiğirlär yazu belän genä tügel, räsem sänğäte belän dä şöğellängän. Anıñ eşläre Tailandta da, çit illärdä dä tanılu alğan.
Üzeneñ şiğirlärendä mäñgelek ilahi maturlıq ideyasın assızıqlağan. Monnan tış, klassik buddaçı dönyağa qaraşına ayırım ähämiät birgän. Tailandnıñ tarixi ütkänen ideallaştırğan. Şağur fikerençä, Ayutthaya patşalığı[en] çorı — Tailandnıñ altın yılları, Ayutthaya — ideal’ däwlät ürnäge.
Añkan Kalayanapoñnıñ iñ yaqtı äsärläreneñ berse bulıp «Bangkok — Tailand» poeması sanala, anda ul zamança tay cämğiäten tänqitli. Moña oxşaş tema «Qaşıq belän diñgez çumırıp alırğa» şiğırendä dä kütärelgän ide.
«Yıllıq büläklär» şiğirlär cıyıntığında ekologiä temasın kütärä, xökümätne Tailandnıñ milli baylıqların urlağan öçen tänqitli. Şağir fikerençä, tabiğät üzeneñ berençel qiäfätendä qalırğa tieş.
Küp kenä ictimaği häm säyäsi eşleklelär Añkan Kalayanapoñ icatın añlamağannar häm qabul itmägännär. Şuña da qaramastan, Tailand patşalığınıñ zamança ädäbi cämğiäte talantlı icatçını maqtamıy almağan: Añkan berniçä tapqır cirle ädäbi premiälär laureatı bulğan. 1986 yılda SEATO ädäbi premiäsendä büläklänüwe anıñ professionallegen häm talantın tağın ber raslağan[4].
Şäxsi tormışı
үзгәртүAñkan öylängän bulğan, anıñ öç balası (ber ulı häm ike qızı) bulğan. 2006 yılda ul Tailand premyer-ministrı Thaksin Çinawatqa[en] qarşı protest beldergän häm anıñ otstavkasın taläp itkän «sarı külmäklelär»ne xuplağan.
2012 yılda Añkan Bangkok xastaxanäläreneñ bersendä wafat bulğan[5].
İskärmälär
үзгәртү- ↑ Limited, Bangkok Post Public Company. National artist Angkarn dies (ингл.).
- ↑ Angkarn Kalayanapong l อังคาร กัลยาณพงศ์. әлеге чыганактан 2018-03-10 архивланды. 2024-09-01 тикшерелгән.
- ↑ HARRIET STAFF (2012-08-27). Poet, National Artist of Thailand Angkarn Kalayanapong Has Died.
- ↑ Корнев В. И. Литература Таиланда. Краткий очерк.. — Москва: Наука, 1971.
- ↑ Passionate poet Angkarn 'breathed poems' (2012-08-26). әлеге чыганактан 2018-03-10 архивланды. 2024-09-01 тикшерелгән.