Helsinki-Vantaa hawa alanı

Helsinki-Vantaa hawa alanı (finça Helsinki-Vantaan lentoasema, şvedça Helsingfors-Vanda flygplats) - Finländiä başqalası Helsinki şähäreneñ xalıqara hawa alanı.

Helsinki-Vantaa hawa alanı finça Helsinki-Vantaan lentoasema
İl	Finländiä
Töbäk	Uusimaa
Hawa alanı töre	watandaşlar
IKAO	EFHK
IATA	HEL
Urnaşu urını	Vantaa
Bieklek	55 m
Koordinatlar	60°19′02″N, 24°57′48″E
Passajirlar äylaneşe	14 858 215 keşe (2012)
Terminallar sanı	2
Cirle waqıt	UTC +2/+3
Eş waqıtı	täwlek buyı
Säxifä	http://www.finavia.fi/en/helsinki-airport/

Oçıp menü-töşü yulları (OMTY)
San	Zurlıq	Tüşämä
04R/22L	3440 m	asfalt
04L/22R	3060 m	asfalt
15/33	2901 m	asfalt

Helsinki şähär bistäsendä - Vantaa, 19 km aralığında Helsinki üzägennän tönyaqta urnaşa.

Hawa alanında öç oçıp menü-töşü yulı bar, kübese hawa sudnoların qabul itä ala.

Helsinki-Vantaa hawa alanı aşa Finländiäneñ 90 % xalıqara oçışları bara.

2012 yılda passajir äyläneşe - 14,9 mln. keşe täşkil itte, şul isäptän 31 % tranzit yulawçıları.

Helsinki-Vantaa hawa limanı 30 hawa şirkäteneñ oçqıçların qabul itä, şul isäptän Rusiädän.

Finländiäneñ milli aviataşuçısınıñ Finnair şirkäteneñ habı bulıp sanala (baş hawa alanı).

Şulay uq hawa alanında Blu1, Air Finland, Finncomm Airlines şirkätläre urnaşa.

Hawa alanı yanında Aviapolis xalıqara biznes-parkı urnaşa.

2013 yılda Helsinki-Vantaa hawa limanı Tönyaq Awrupanıñ iñ yaxşı hawa alanı bulıp tanılğan.

Hawa alanı 1952 yılda Cäyge Olimpiä uyınnarına xezmät kürsätü maqsatında Vantaa çigendä tözelgän.

Terminallar

Hawa alanında ike terminal urnaşa: xalıqara (T2) häm eçke (T1), alar arasında maxsus çığu yulı bar.

Helsinki-Vantaa hawa alanı hab itep tözelgän, şuña kürä transfer (kilü zonasınnan kitü zonasına yul) bik uñaylı yasalğan.

Transport

Helsinki üzägennän (Timer yul vokzal) 615 nomerlı avtobus (35-60 minut) hawa alanına barıp citep bula, şulay uq 415, 451 nomerlı avtobus baralar.

Sıltamalar

• Räsmi säxifä 2015 елның 28 сентябрь көнендә архивланган.