Эндоген бактериаль эндофтальмит
Эндоген (метастазлы) эндофтальмит микроорганизм күзгә каннан гематоофтальмик киртә аша керү өчен барлыкка килә. Шул ук вакытта күз инфекциясе бактериемияның күпчелек очракларында үсеш алмый, әмма 1% очракта Рот таплары барлыкка килә ала. Ике күз дә якынча 12% очракта зарарлана.
1. Куркынычлык шартларына шикәр чире, йөрәк чирләре, яман шешләр керә. Башка куркынычлык шартлары — вена катетерлары, вена эченә наркотиклар кертү, бавыр абсцессы, пневмония, эндокардит, флегмона, сидек чыгару юллары инфекциясе (E. coli), минингит, сепсислы артрит һәм абдоминаль хирургия.
2. Тудыргычлар. Klebsiella spp. иң еш санала, ләкин башка микроорганизмнар да очрый ала.
Клиник күренешләре
үзгәртүЧирне ялгыш увеит, конъюнктивит яки глаукоманың кискен өянәге буларак билгелиләр, бу дәвалау тоткарлавына китерә.
Ачыклау һәм дәвалау авыруның хәрәкәте чикләнгәндә һәм гомуми халәте авыр булганда катлаулы була ала.
1. Симптомнар
• Авырту, күрү томанлану, йөзеп йөрүче томанланулар, фотофобия һәм баш авырту.
• Авыруның гомуми халәте гадәттә бизгәк һәм регидлык белән бергә бара.
2. Алгы бүлек
• Экзофтальм, хемоз, кабаклар шешү һәм мөгезкатлау шешү.
• Төсле катлауда чикләнгән төерләр яки төерчәләр, фибринозлы алгы увеит һәм авыр очракларда гипопион (рәс. 14.50а).
3. Арткы бүлек
• Ак яки сары ретиналь инфильтратлар (рәс. 14.50б).
• Пыяласыман җисем томанлануы яки абсцессы.
• Авыр очракларда челтәркатлау некрозы. • Орбитага таралыш мөмкин.
| Җәдвәл 14.4 Операциядән соң һәм эндоген эндофтальмитларны чагыштыру | ||
| Операциядән соң | Эндоген | |
| Күздән үрчетү | Һәркайчан | Һәркайчан |
| Каннан үрчетү | Юк | Һәркайчан |
| Системалы | Юк | Һәркайчан |
| тикшерү | ||
| Антибиотиклар | Әйе | Әйе |
| тышкы | ||
| Системалы | Эчкә фторхинолоннар | Вена эченә |
| антибиотиклар | (төрле) | |
| Интравитреаль | Һәркайчан | Һәркайчан |
| антибиотиклар | ||
| Стероидлар | Әйе | Нәтиҗәлелек |
| расланмаган | ||
| Фараз | 70% > 0,1 | 70% < бармак |
| күрү өчен | саны | |
| Үлүчелек | Юк | 10% |
Тикшерүләр
үзгәртү1. Системалы
• Сепсислы чыганакларны табу (тире, буыннар) һичшиксез терапевт яки киеренке терапия белгече хезмәттәшлеге белән.
• Кан һәм бәвел чәчүлеге барлык авыруларга кирәк.
• Клиник күренешкә карап башка урыннардан чәчүлек (мәсәлән, катетер башы, АМС, тиредә җәрәхәт, абсцесс эче, буын сыекчасы).
• Эндокардитка тикшерү (күкрәк читлеге рентгены, ЭКГ, эхокардиография).
• Корсак куышлыгы УТТ.
NB Балаларда менингитны төшереп калдыру өчен ПЧҖ ярдәмендә канны N. meningitidis тикшерү.
2. Офтальмологик
• Алгы камера һәм пыяласыман җисем пункциясе.
• Абсцесс булганда юка инәле биопсия мөмкин.
Дәвалау
үзгәртү1. Системалы инфекция. Вена эченә антибактериаль препаратлар. Антибиотикны сайлау чәчүлек һәм антибиотикограмма нәтиҗәләренә нигезләнеп башкарыла. Дәвалауны 2-3 атна дәвамында яки эндокардит очрагында озаграк үткәрәләр. Инфекциянең төгәл чыганагы билгеле булмаганда цефтазидим 1 г дозасында 12 сәг. саен һәм ванкомицин 1 г дозасында һәм 12 сәг. билгеләнә. Үзенчәлекле микроорганизмны тапканда микробиолог консультациясе кирәк.
2. Эндофтальмит. Ципрофлоксацин эчкә һәм антибиотиклар интравитреаль, тик соңгысының нәтиҗәлеге иртәрәк үсеш алган операциядән соң кискен бактериаль эндофтальмитта куллану белән чагыштырганда бик ачык түгел.
Фараз
үзгәртүФараз тискәре — 70% очракта күрү яктылык тоюга кадәр төшә. Бу, мөгаен, соңлаган күренеше һәм тудыргычның зур вирулентлыгы белән бәйле. Күз алмасы субатрофиясе һәм эвисцерация кирәклеге 25% җитә. 14.4 җәд. операциядән соң һәм эндоген эндофтальмитларны чагыштыралар.
NB Системалы чир белән бәйле үлүчелек 5-10% тәшкил итә.
Чыганаклар
үзгәртү- Джек Кански. Клиник офтальмология. Системалаштырылган караш. / редакторлар: Еричева В.П.. — 2009. — Б. 944. — ISBN 83-7609-034-8.