Вак балыклар

Вак балыкла́р (тюлькалар, лат. Clupeonella) — сельдьлеләр балык гаиләлегенең ыругы. Өч төре билгеле. Каспий (аларны килька дип атыйлар), Кара һәм Азак диңгезләрендә яшиләр. ТРда бер төре - чархаль сельде - Каспий вак балыкларның Идел түбәнлекләреннән Идел һәм Кама сусаклагычларына төче сулыкларда яши торган формасы (C.cultriventris) үтеп кергән.

Вак балыклар
Халыкара фәнни исем	Clupeonella Кесслер, Карл Фёдорович, 1877
Таксономик ранг	ыру
Югарырак таксон	Clupeinae[d]
Вак балыклар Викиҗыентыкта

Зур балыкларның озынлыгы 14 см га кадәр, авырлыгы 15 г чамасы. Тәңкәләре циклоидалар рәвешендә, вак, тыгыз урнашкан. Бугазыннан аналь ярыгына кадәр киль сузыла. Авызы кечкенә, тешсез. Арка йөзгече артында май йөзгече бар. Яшәвенең 1 нче елында җенси җитлегә. Май ахыры - июньдә су температурасы 14-18 °C булганда уылдык чәчә. Үрчемлелеге 5-60 мең бөртек уылдык. Зоопланктон, шулай ук маймычлар белән туена. 1-2 ел яшиләр.

Төрләре

• Clupeonella cultriventris — Каспий килькасы
• Clupeonella abrau — Абрау вак балыгы
• Clupeonella engrauliformis — Анчоуссыман килька
• Clupeonella grimmi — Зур күзле килька
• Clupeonella tscharchalensis

Чыганаклар

• ТР Фәннәр академиясенең Татар энциклопедиясе институты
• Татар энциклопедиясе. Казан, 2008. 2016 елның 4 март көнендә архивланган.