Сызыкча тигезләмә

Сызыкча тигезләмә — аны төзүче күпбуыннарның тулы дәрәҗәсе 1-гә тигез булган алгебраик тигезләмә. Сызыкча тигезләмә түбәндәгечә күрсәтелә:

• гомуми күренештә: $a_{1}x_{1}+a_{2}x_{2}+\dots +a_{n}x_{n}+b=0$;
• каноник формада: $a_{1}x_{1}+a_{2}x_{2}+\dots +a_{n}x_{n}=-b$.

Сызыкча тигезләмә
Киләсе	квадратное уравнение[d]
Канун яки назарияне тасвирлаучы фурмула	$y=mx+b$
Обозначение в формуле	$m$ һәм $b$
Нинди вики-проектка керә	Проект:Математика[d]
Сызыкча тигезләмә Викиҗыентыкта

Бер үзгәрүчәнле сызыкча тигезләмә

Бер үзгәрүчәнле сызыкча тигезләмәне:

$ax+b=0$ күренешенә китерергә мөмкин.

Чыгарылышлары саны a һәм b параметрларына бәйле. Әгәр $a=b=0$ булса, тигезләмәнең чиксез күп чыгарылышы бар, чөнки $\forall x\in \mathbb {R} :x\cdot 0=0$. Әгәр $a=0,b\neq 0$ булса, тигезләмәнең чыгарылышы юк, чөнки $\not \exists x\in \mathbb {R} :0\cdot x=-b\neq 0$. Әгәр $a\neq 0$ булса, тигезләмәнең бердән бер чыгарылышы бар: $x=-{\frac {b}{a}}$.

Ике үзгәрүчәнле сызыкча тигезләмә

y = ax + b күренешендәге ике үзгәрүчәнле сызыкча тигезләмәнең геометрик нокталар урыны

Ике үзгәрүчәнле сызыкча тигезләмәне күрсәтергә мөмкин:

• гомуми күренештә: $ax+by+c=0$;
• каноник формада: $ax+by=-c$;
• Сызыкча функция формасында: $y=kx+m$, монда $k=-{\frac {a}{b}};\ m=-{\frac {c}{b}}$.

Мондый тигезләмәнең чыгарылышы, яки тамыры дип, $(x;y)$ үзгәрүчәннәр парының, тигезләмәне тождествога әйләндерүче кыйммәтләре парын атыйлар. Ике үзгәрүчәнле сызыкча тигезләмәнең андый чыгарылышлары (тамырлары) чиксез күплек. Мондый тигезләмәнең геометрик моделе (графигы) — $y=kx+m$ туры сызыгы.

Шулай ук карагыз

• Сызыкча алгебраик тигезләмәләр системасы
• Сызыкча функция

Сылтамалар

• Решение линейных уравнений 2018 елның 5 июнь көнендә архивланган. на сайте «Рекомендации учащимся»