Стриар кабык

Стриар кабыкта күрү кырының периферия өлеше алгы өлешендә бирелгән. Баш арты өлешенең бу өлкәсе арткы церебраль артерия аша кан белән тәэмин ителә. Үзәк макуляр күрү артта, типке кабыгы очыннан латераль бирелгән. Бу өлкә башлыча урта церебраль артериянең тармагы аша кан белән тәэмин ителә. Арткы церебраль артерия томалануы шулай итеп конгруэнт гомоним гемианопсия белән макула саклануына китерә (рәс. 21.34г). Баш җәрәхәте өчен барлыкка килә алган баш арты кабыгының очы зарарлануы конгруэнт гомоним макуляр кимчелекләргә китерә (рәс. 21.34д), әмма баш арты өлешенең тамырлы зарарлануларында асимметрияле макула саклануы була ала.

Стриар кабык
NCI Thesaurus идентификаторы	C12355
Стриар кабык Викиҗыентыкта

NB Типке кабыкның алгы (иң зурысы) өлеше контралатераль күзнең чигә ягыннан күрү кырының перифериясе өчен җавап бирә, — бу өлкә бер күзнең бинокуляр күрү кыры чигеннән чыга һәм монокуляр кабул ителә. Бу өлкәнең зарарлануы күрү кырының контралатераль күзнең чигә ягыннан монокуляр кимчелегенә китерә. Бу зарарлануны чигә ярымай кимчелеге дип атыйлар.

Күрү кабыгы зарарлануының бергә булган күренешләре (кабык сукырлыгы).

•   Формалашкан күрү саташулары башлыча гемианопсияле кырда була.

•   Сукырлыкны инкяр итү (Антон синдромы)

•   Риддок феномены хәрәкәтле әйберләрне сизү, ә хәрәкәтсез әйберләрне сизмәү белән сыйфатлана.

Сәбәпләре

1.    Арткы церебраль артерия өлкәсендәге тамырлы зарарланулар  90% артык очракта бергә булган неврологик симптоматикасыз аерым гомоним гемианопсия сәбәбе була

2.     Сирәк очраган башка сәбәпләргә мигрень, җәрәхәт, беренчел шешләр һәм метастазлар керә.

ЮГАРЫ КҮРҮ МӨМКИНЛЕКЛӘРЕ

Стриар кабыктан (17 нче кыр) мәгълүмат күрү әгъзасыннан баш мие кабыгының күрүнең ассоциатив өлкәләренә (18 һәм 19) китә, анда ул эшкәртелә, тикшерелә һәм ачыклана. Баш мие кабыгының төрле өлкәләре зарарлануы үзенчәлекле клиник күренешкә китерә.

Чыганаклар

• Джек Кански. Клиник офтальмология. Системалаштырылган караш. / редакторлар: Еричева В.П.. — 2009. — Б. 944. — ISBN 83-7609-034-8.