Сицилияле Фелиция

Сицилияле Фелиция (якынча 1078 — якынча 1102) — Маҗарстан патшасы Кальман I Китапчының беренче хатыны.

Сицилияле Фелиция
Туган	1078
Үлгән	1102
Җефет	Кальман І Книжник[d]
Балалар	София, Иштван II, Ласло
Әни	Эрембурга де Мортен[d]
Әти	Рожер I[d]

Биография

Фелиция Сицилия графы Рожер I һәм аның икенче хатыны Эрембурга де Мортенның өлкән кызы булган. Аны традиция буенча Бусилла дип атаганнар, ләкин бу исем, мөгаен, дөрес аңланмаган борынгы Итальян сүзе «Pucelle» сүзеннән килеп чыккандыр, бу «гыйффәтле кыз» дигәнне аңлата. 1096 елда Маҗарстан патшасы Кальман I Китапчы Филицияне аңа кияүгә бирергә тәкъдим итәр өчен, үз илчеләрен аның әтисенә җибәргән, ләкин Сицилия графы бу тәкъдимне кире каккан. Маҗарстан патшасының икенче илчелеге епископ Хартвик җитәкчелегендә җибәрелгән, ләкин граф алга таба сөйләшүләр алып баруны таләп иткән. Ахыр чиктә, патшаның кече абыйсы принц Алмош җитәкчелегендәге илчеләр уңышларга ирешәләр һәм Маҗарстанга кайталар, Филицияне озата баралар, анда ул якынча 1097 елда патша Кальманга кияүгә чыккан.

Фелиция белән бергә Маҗарстанга кайбер сицилияле сарай кешеләре килгән: мәсәлән, булачак маҗар Ратот нәселенең ата-бабалары (Оливер һәм Ратот) аның озата баруында булганнар.

Фелиция үлгәч, аның калдыклары Секешфеһервар шәһәренең базиликасында җирләнгән. Аның үлеменнән соң озак та үтми, 1112 елда патша Владимир Мономахның кызы Евфимиягә өйләнгән.