Prabda Yun
Prabda Yun (tay. ปราบดา หยุ่น; 1973 yılnıñ 2 avgustı, Tailand, Bangkok) — Tailand yazuçısı, rässam, grafik dizaynerı, rejissörı, ssenaristı, tärcemäçese häm jurnallar möxärrire. Tailandnıñ ädäbi cämğiätendä populärlıq häm tanılunı Prabda Yunğa ike xikäyä cıyıntığı kitergän. Berençe cıyıntıq Nyu-Yorkqa bağışlanğan biş xikäyädän tora. 2000 yılda bastırılğan xikäyälär ikençe cıyıntığı «İxtimallıq» dip atala. 2002 yılda «İxtimallıq» xikäyälär cıyıntığı öçen Prabda Yun Tailandta iñ abruylı ädäbi konkurs bulğan Könyaq-Könçığış Aziä ädäbi premiäsen alğan. Üzeneñ talantı häm professionallege arqasında Prabda Yun XXI ğasırnıñ iñ tanılğan häm yoğıntılı tay yazuçılarınıñ berse bulğan[2].
| Prabda Yun tay. ปราบดา หยุ่น | |
 | |
| Tuu datası | |
|---|---|
| Tuu urını | |
| Watandaşlıq | |
| Belem | |
| Eşçänlek töre |
yazuçı, ssenarist[en], tärcemäçe[de], grafik dizayner[en], rässam[sah] |
İrtä yılları häm beleme
үзгәртүPrabda Bangkokta «Millät[en]» gäzitenä nigez saluçılarnıñ berse bulğan tanılğan möxärrir Sutiçay Sae-Yun[en] ğailäsendä tuğan. Prabdanıñ änise — Nantawan Sae-Yun, möxärrir häm yazuçı-romanist. Prabda balaçağın Bangkokta ütkärgän. Mäktäpneñ yuğarı sıynıflarında AQŞnıñ Massaçusets ştatında Kembric mäktäbendä uqığan. İke yıl Nyu-Yorkta Parsons dizayn mäktäbendä uqığan. Annarı Cooper Union’ğa uqırğa kergän, anda 4 yıl däwamında grafik dizayn häm kinoindustriäne öyrängän. 1997 yılda Prabda Yun Cooper Union’da uquwın tämamlağan. 1998 yılda Prabda xärbi xezmät uzu öçen Tailandqa qaytqan[3].
Karyerası
үзгәртү10 yıllıq icat eşçänlege däwerendä Prabda 20dän artıq ädäbi äsär bastırıp çığarğan, törle näşriätlar häm avtorlar zakazı buyınça kitaplar öçen 100dän artıq tışlıq yasağan. Monnan tış, Prabda Yun tärcemä eşçänlege belän şöğellängän. Ayırım alğanda, ul V. Nabokovnıñ «Lolita[en]» häm «Pnin[en]» romannarın, C. Selincernıñ[en] barlıq äsärlären, E. Börcessnıñ[en] «A Clockwork Orange[en]», Karel Çapeknıñ[en] «R. U. R.» äsärlären tärcemä itkän. Prabda Yun şulay uq tanılğan Tailand rejissörı Pen-ek Rattanaruañnıñ ike filmınıñ ssenariy avtorı bulıp tora. Berençe film, «Ğälämdäge soñğı tormış», ekrannarğa 2003 yılda çıqqan. İkençe film, «Kürenmi torğan dulqınnar» prokatta 2006 yılda päyda bulğan.
Prabda Yunnıñ ädäbi icatı Yaponiä ädäbi tänqitçeläre tarafınnan ayıruça yuğarı bäyälängän. Yazuçınıñ küp kenä xezmätläre yapon telenä tärcemä itelgän. Monnan tış, Yaponiädä häm Tailandta Prabda Yun kürgäzmälär oyıştıra, anda anıñ başqa icadi eşlären (surätlär, räsemnär, installätsiälär) kürergä mömkin. Prabda Yun cırlar avtorı, şulay uq ike muzıkal’ törkemneñ («Buahima» häm «The Typhoon Band») prodüserı bulıp tora. 2004 yılda Prabda zur bulmağan näşriätqa nigez salğan[4].
2012 yılda Prabda Yun Bangkokta Sänğät häm mädäniät üzägendä zur bulmağan kitap kibete açqan. 2015 yılda Prabda üzeneñ berençe näfis filmına («Motel Mist») ssenariy yazğan, anıñ premyerası 2016 yılda Rotterdam xalıqara festivalendä bulğan[5].
İskärmälär
үзгәртү- ↑ Summary Bibliography: ปราบดา หยุ่น.
- ↑ Prabda Yoon.
- ↑ Radioshow Meet the Wrtiers: Prabda Yoon.
- ↑ Interview by Mui Poopoksakul (2014-12-15). The Prabda Yoon Interview. әлеге чыганактан 2017-12-01 архивланды. 2017-11-28 тикшерелгән.
- ↑ RMA 2016 interview Prabda Yoon on Motel Mist.