Операциядән соң кичектерелгән эндофтальмит
Операциядән соң кичектерелгән эндофтальмит капсула капчыгында түбән вирулентлы тудыргыч булган очракта катаракта экстакциясеннән соң үсеш ала. Эндофтальмит башы операциядән соң 4 атнадан алып берничә елга кадәр (уртача 9 ай) була һәм гадәттә уңышсыз операция нәтиҗәсе санала. Сирәк очракта пыяласыман җисемгә тудыргычның чыгуы YAG-лазерлы капсулотомиядән соң мөмкин. Тудыргычлары ешрак P. acnes, ә кайвакыт S. epidermidis, Corynebacterium spp. яки Candida parapsilosis була.
Ачыклау
үзгәртү1. Әкренләп көчәюче күрү үткенлеге кимү белән билгеләнә, ул йөзеп йөрүче томанланулар белән бергә була ала.
2. Билгеләре
• Кайвакыт мөгезкатлауда майлы преципитатлар кебек гранулематоз белән аз чагылган алгы увеит (рәс. 12.18а).
• Витреит ешрак барлыкка килә, гипопион — сирәгрәк.
• Капсула капчыгының периферия өлеше эчендә кабык матдәсе калдыкларында тудыргычның аерым тупламасыннан торучы капсуланың зураючы аксыл томанлануы хас (рәс. 12.18б).
NB Экваторда томанланулар ачыклау өчен мидриаз шартларында гониоскопия үткәрергә кирәк.
3. Тикшерүләр Сулы сыекча һәм пыяласыман җисемнән үрчетүне ачыклау белән алга таба микроорганизмнар үсеше белән диагноз раслана. P. awes карата шик булса, анаэроб үрчетү булуы кирәк, чөнки аерым колонияләр 10-14 көн дәвамында үсә ала. ПЧҖ кулланганда патоген микроорганизмнарны ачыклау шактый җиңеләя.
4. Чир барышы. Антибиотикотерапия булмаганда ялкынсыну башта урынлы кортикостероидлы терапиягә яхшы бирелә (рәс. 12.8в), әмма дәвалау тәмамлангач кабатлана һәм аңа карата резистент була (рәс. 12.18г).
Дәвалау
үзгәртүТудыргыч тупламалары организм һәм антибиотикларның яклау көчләре йогынтысына карата аерым булу белән дәвалауны катлауландыра, шуңа күрә антибиотиклар белән аерым дәвалау сирәк уңышлы була.
1. Капсула капчыгын, калдык кабык кисәкчәләрен һәм ИОЛ'ны кисеп алу pars plana витрэктомиясе башкаруын таләп итә. ИОЛ'ның икенчел имплантациясе соңрак мөмкин.
2. Ванкомицинны (1 мг 0,1 мл) интравитреаль кертү сайлау препараты санала, әмма P. acnes шулай ук метицилин, цефазолин һәм клиндамицинга сизгер.
Чыганаклар
үзгәртү- Джек Кански. Клиник офтальмология. Системалаштырылган караш. / редакторлар: Еричева В.П.. — 2009. — Б. 944. — ISBN 83-7609-034-8.