Шоте Галица

Шоте Галица (алб. Shote Galica), тумыштан Чериме Халил Радишева (алб. Qerime Halil Radisheva; 4 октябрь 1895 ел, Радишеве, Дреница — 1927, Фуше-Круя) — Бөтен албан биләмәләрен берләштерү һәм Албаниянең демократик милли хөкүмәтенә ярдәм итүне максат итеп куйган баш күтәрүче качаклар хәрәкәтенең албан милләтчесе. Ул «Албаниянең халык герое» дип игълан ителә. Көрәштә Черим дигән ир-ат исеме астында катнаша.

Шоте алты бертуган абыйлы-энеләрнең сеңлесе була, 1915 елда Азем Галицага кияүгә чыга. Шоте Галица унике ел кораллы көрәш алып бара. 1919 елда көнбатыш Косовода ихтилалда катнаша һәм 1921 елдан алып 1923 елга кадәр Юникта серб солдатларына каршы көрәшә. 1925 елда ире һәлак булганнан соң, партизан армиясының лидерлык ролен үз өстенә ала. 1927 елның июлендә ул партизан сугышыннан чыга һәм берничә ай үткәч, төньяк Албанияда вафат була. Сугыш чорында ул 22 гаилә әгъзасын югалта.

Аның билгеле цитатасы: Гыйлемсез тормыш, коралсыз сугыш кебек.

Сылтамалар

• Elsie, Robert (2004). Kosova Historical Dictionary of. The Scarecrow Press. 63 стр-. ISBN 978-0-8108-5309-6.