Ләвәш
Ләвәш - Иран, Әфганстан халыкларында һәм Алгы Азия регионнарында таралган бодай оныннан пешкән юка җәймә формасындагы төче икмәк.
2014 елның 26 ноябрендә Парижда уздырылган ЮНЕСКОның матди булмаган мәдәни мирасны саклау Конвенциясе хөкүмәт-ара комитетының 9 нчы утырышында ЮНЕСКО-ның матди булмаган мәдәни мирас исемлегендә (теземендә) Әрмәнстаннан "Ләвәш: традицион икмәкне әзерләү, Әрмәнстандагы әһәмияте һәм мәдәни чагылышы" теркәлде.
Ләвәш җәенке, юка гына, 2-5 мм киңлегендәге, стандартка якын размерлы, озынлыгы якынча 90-110 см, киңлеге якынча 40-50 см булган, авырлыгы 250 грамнан артмаган озынча түгәрәк формалы юка. Лаваш, суынганга кадәр, берәмләп эленеп куела, суынгач, 8-10 рәткә өйөп салына. Һавада ул бик тиз кибә һәм коры көйө бик озак саклана ала.