Күрше бабай

Күрше бабай — татар балалар уены.

Күрше бабай
Уенчылар саны	3тән күбрәк
Уйнау урыны	өй
Физик активлык	түбән

Уйнау тәртибе

Уйнаучылардан берсе күрше бабай булып, башына кәгазьдән ясалган озын очлы бүрек киеп, борынына берәр кызыл кәгазь ябыштырып көлке кыяфәткә китерелә. Аны күрше бабай дип уртага алып, тирәсенә балалар тезелешеп утыралар. Алардан берсе күрше бабай янына килә дә көй белән:

Күрше бабай, бабакай,
Килче, кызыл танаукай,
Танавыңнан тарткалыйм,
Үзем көлмәскә карыйм,

— дип, бармагы белән борынына акрын гына тидерә дә, үзе, бабайның бу эшкә карашлары, кыланышлары никадәр көлке булса да, көлмәскә тырыша. Көлә калса, үзе бабай була. Көлмәсә, үз урынына утырып, икенче берәү шул ук эшне кабатлый.

Чыганаклар

• Татар балалар фольклоры./Төзүчесе Рәшит Ягъфәров. — Казан: «Раннур» нәшрияты, 1999.