Иван Золо
Иван Золочевский, Иван Сергей улы Золочевский (2004 елның 29 июле, РФ, Мәскәү), Иван Золо буларак күбрәк танылган, — Россия тиктокеры.
| Иван Золо | |
|---|---|
 | |
| Туган | 29 июль 2004 (19 яшь) Мәскәү |
| Һөнәре | блогер, тиктокер, стример |
Тәрҗемәи хәле үзгәртү
2004 елның 29 июлендә Мәскәүдә туган[1]. Гаиләдә бердәнбер бала. Мәктәптән буш вакытта уктан ату белән мавыккан[1][2]. Шулай ук ул сәнгать белән мавыккан һәм еш кына музейларга йөрәгән. Иванның әтисе сүзләренчә, балачакта малайга күз кабагыда ике операция ясаганнар. Наркоз баш мие белән проблемалар тудырган[1].
TikTok аккаунтын Иван 2020 елның сентябрендә ачкан. Үз видеоларында Иван караоке җырлаган, бии иде, интернет-челленджлар башкарган. 2021 елның җәендә аның берничә мең язылучысы булган.
2021 елның көзендә Иван блогер Некоглай белән танышкан. Некоглай аңа берничә уртак эфир үткәрергә тәкъдим иткән. Берникадәр вакыттан соң Некоглай Иванга Twitch'та уртак стримнар ясарга тәкъдим иткән. Аларның беренче эфиры 5 меңгә якын кулланучыны җыйган. Әмма инде өченче стрим 50 мең кешедән артып киткән. Стримнарда Некоглай Иванны шактый тупас итеп шаярткан.
Некоглай белән тандем Иванга популярлык китеркән: 2021 елның декабренә Иванның TikTok'та 1 миллион язылучысы булган. Декабрь башында Золо, Некоглай һәм Эвелон, тагын бер твичер, Twitch'та уртак стрим үткәргәннәр. Өч блогер белән стрим 2021 ел ахырына Twitch рус телле сегментында рекордлы булган — пик вакытында аны 125 меңнән артык кулланучы күзәткән.
2022 ел алдыннан Золо «Белый снег» дип аталган беренче соло трегын чыгарган.
2021 ел ахырында Иван Золо һәм аның гаиләсе һәм Некоглай арасында конфликт булган. Иван һәм Некоглайның уртак эфиры декабрь ахырында 260 мең тамашачы җыйган.
2022 елның гыйнвар башында Золо һәм Некоглай татулашканнар һәм Twitch'та караулар рекордын яңартканнар. Аларның трансляциясен 500 меңнән артык кеше караган.
Моннан тыш, Иван Асхаб Тамаевның YouTube-шоусында да күренгән.
2022 елның февраленә аның TikTok'та язылучылар саны 3,7 млн кулланучыга җиткән[1][2][3].