Төп менюны ачу

«Гадел Русия» (Справедли́вая Росси́я, СР, эсерлар)Русиянең рәсми рәвештә теркәлгән сул юнәлештәге сәяси фиркасе. Социал-демократия һәм яңартылган социализм карашлары тарафтарлары булып торалар.

«Гадел Русия»
A Just Russia.svg
Җитәкче:

Сергей Миронов

Нигезләү датасы:

28 октябрь 2006 ел, хокукый яктан 1998 елда

Штаб-фатир:

Русия байрагы 107031, Мәскәү шәһ., Большая Дмитровка ур., 32 й., 1 кор.

Идеология:

Социал-демократия, XXI гасыр социализмы

Интернационал:

Социалистик интернационал

Берлектәшләр һәм блоклар:

(2006 - 2012 еллар)

Яшьләр оешмасы:

«Лига справедливости»,
«Победа»,
«Молодые социалисты России».

Дәүләт думасы урыннар саны:
38 / 450
(V чакырылыш)
64 / 450
(VI чакырылыш)
Региональ парламентларда урыннар саны:
315 / 3980
Сайт:

spravedlivo.ru

Commons-logo.svg Гадел Русия Викиҗыентыкта

2006 елның 29 августыннан башлап «Родина», «Российская партия жизни» һәм «Российская партия пенсионеров» фиркаләренең берләшүе нәтиҗәсендә барлыкка килә. Әгъзаларының төп базасы булып «Российская партия жизни» һәм аның җитәкчесе — Сергей Миронов булып китә. Фирканең рәсми рәвештә барлыкка килү датасы буларак 2006 елның 28 октябре исәпләнә.

Рәсми атамасы — «Гадел Русия сәяси фиркасе»[1]. Сәяси сленгта еш кына «эсерлар» дип аталалар (фирканең рус атамасының беренче хәрефләреннән).

2007 елдан 2012 елга кадәр Социалистик интернационал халыкара оешмасының күзәтү шурасы әгъзасы булып тора, 2012 елның 30 августыннан — тулы хокуклы әгъзасы[2].

Фирканең 2011 елдан 2013 елга кадәр рәисе - Николай Левичев, Гадел Русия фракциясенең Дәүләт думасындагы җитәкчесе - Сергей Миронов булалар.

Сергей Миронов фирканең башында 2006—2011 елларда тора һәм 2013 елның 27 октябрендә яңадан аның башлыгы була.

ТарихҮзгәртү

 
2006-2010 елларда фирка логотибы

2006 елның 24 мартында президент администрациясе башлыгы урынбасары Владислав Сурковның Русия Яшәеш фиркасе (Российская партия Жизни) рәисе Сергей Миронов һәм тагын бу фиркадән 30 депутат белән күрешүе уза. Күрешүдә Сурков ачык рәвештә илдә ике фиркале система кору турында фикерен әйтә. Фикер астында кирәк чакта Кремльның шушы ике фирканең берсенә таяна алу мөмкинчелеге ята.

КорылышҮзгәртү

 
Сергей Миронов — Гадел Русия фиркасе җитәкчесе

2006 елның 29 августында «Аргументы и факты» пресс-үзәгендә яңа фирканең корылуы белән бәйле „Родина“, Русия яшәеш һәм Русия пенсионерлар фиркаләре берләшмәсенең төп принциплары дип аталучы беренче рәсми документны бастырып чыгара. Аңлашмага берләшмәгә керүче фиркаләрнең җитәкчеләре - Сергей Миронов, Александр Бабаков һәм Игорь Зотов имзаларын сала.

2006 елның 28 октябрендә «Родина» фиркасенең VII җыелышы уза. Җыелышта фирканең исеме «Гадел Русия: Ватан/Пенсионерлар/Яшәеш» («Справедливая Россия: Родина/Пенсионеры/Жизнь») булып үзгәртелә. Шушы ук көнне Русия яшәеш фиркасе һәм Русия пенсионерлар фиркаләренең эшчәнлеге туктатылуы турында һәм аларның яңа корылган фиркагә керүләре турындагы карар чыгарыла.

Фирка рәисенең карары белән 2006 елның 28 октябре «Гадел Русия» фиркасенең Туган көне буларак таныла.

2007 елның 26 февралендә «Гадел Русия» фиркасенең I җыелышы үткәрелә. Бу җыелышта фирканең сәяси нигезе кабул ителә.

2007 елның 2 декабрендә фирка V чакырылыш Дәүләт думасына сайлауларда 7-процентлы барьерны уза һәм беренче тапкыр социал-демократик фирка Русиядә парламент фиркасе булып китә.

Фиркагә күпләп күчүҮзгәртү

2007 елның беренче яртыеллыгында Гадел Русиягә тагын ике сәяси фирка кушыла: НПРФ (Русия Федерациясе халык фиркасе) һәм СЕПР (Русинең бердәм социалистик фиркасе).

Икенче яртыеллык башында «Гадел Русия»гә тагын өч сәяси көч: СДПР (Русиянең (яңа) социал-демократик фиркасе)[3], «Эшмәкәрлекне үстерү» һәм Конституцион демократлар фиркаләре кушылалар.

2008 елның июлендә фиркагә керү теләген «Социаль гаделлек фиркасе» белдерә. Сентябрь аенда фирканең җыелышында эшчәнлекне бетерү һәм «Гадел Русия»гә керү турындагы карар чыгарыла.

2008 елның 21 ноябрендә Мәскәүдә Русиянең «Яшелләр» экологик фиркасенең XV гадәттән тыш җыелышында фиркане шушы ук исем астындагы иҗтимагый хәрәкәткә әйләндерү карары чыгарыла. Шулай ук җыелыш вәкилләре фиркадәшләрен «Гадел Русия» фиркасенә керергә өндиләр.

Шушы сигез фиркаләрнең яңа корылган фиркагә күпләп керүләреннән тыш яңа фиркагә шулай ук КПРФ, Яблоко, ЛДПР, Партия возрождения России фиркаләренең күренекле һәм гади әгъзалары да күчә.

2009 елның 25 июнендә «Гадел Русия»нең Мәскәүдә узган җыелышында Фирканең Программасы кабул ителә, рәсми атама инде гадәтләнгән кыска («Справедливая Россия») атама итеп калдырыла, шулай ук фирканең Уставына кайбер төзәтмәләр кертелә.

Фирканең Кремль белән каршылыклары башлануҮзгәртү

2010 елның 2 февралендә «Гадел Русия» фиркасенең «Бердәм Русия» фиркасе лидеры һәм премьер-министр Владимир Путин белән ачык каршылыгы башлана. Бу көнне кичке чыгарылышта Владимир Позднерда Сергей Миронов түбәндәге сүзләрне әйтә: «Говорить о том, что мы во всем и лично я поддерживаем Владимира Путина — это уже устаревшая информация» (тат.: «Безнең һәм минем шәхсән Владимир Путинның эшчәнлеген хуплавыбыз - искергән мәгълүмат». Шушы ук елның 8 февралендә «Гадел Русия» фиркасе «Бердәм Русия» белән сәяси килешү төзиләр. Бу килешү буенча ике фирка үзара көрәшне азайтырга тиеш булалар[4].

Ләкин бу килешү бер айдан гамәлдән чыга. Сергей Миронов сүзләре буенча, килешү «Бердәм Русия» тарафыннан бозыла. Шушы мизгелдән «Гадел Русия»нең Кремль белән кара-каршы торуы башлана.

2011 елның 16 апрелендә фирканең V җыелышында Николай Левичев фирка рәисе булып сайлана (Сергей Мироновның вәкаләтләренең вакытыннан алда бетүеннән соң).

Бу вакыйгалардан соң, «Гадел Русия»дән Кремль белән мөнәсәбәтләрне уртача тоту яклы булган фиркаләр чыга. Августта фирка сайтында фирканең Бердәм Русия белән катгый оппозициягә китүе һәм КПРФ белән хезмәттәшлекнең мөмкин булуы турында хәбәр чыга[5].

Әгъзаларның фиркадән чыгуларыҮзгәртү

2011 елҮзгәртү

  • 2011 елның май аенда фиркадән Санкт-Петербургның канун чыгаручы җыелышының ике вәкиле чыгарыла. Алар Бердәм Русиянең Сергей Мироновны Федерация Шурасыннан чыгару тәкъдиме өчен ризалык тавышы бирәләр. Тагын 5есе фиркадән алданрак чыккан булалар.
  • 2011 елның 8 августында фиркадән Краснодар шәһәр советы әгъзаларының күпләп фиркадән чыгулары турындагы хәбәр чыга[7].

2012 елҮзгәртү

4 мартта президент сайлауларында Миронов тавыш бирүчеләрнең 3,85 % тавышын җыя һәм кандитатлар арасында соңгы урынны ала.

Яшелләр фиркасенең чыгуыҮзгәртү

2011 елның декабрь аенда Русия Яшелләр экологик фиркасе, региональ һәм парламент сайлауларында Гадел Русия фиркасе исемлекләрендә бер вәкил мандаты да ала алмагач, үзләренең Гадел Русия фиркасеннән чыгулары һәм үз фиркаләрен торгызу турында игълан итәләр. В декабре 2011 года, Российская экологическая партия Зелёные, не получив ни одного депутатского мандата в списках партии Справедливая Россия, на региональных и парламентских выборах, заявили о выходе из партии Справедливая Россия и восстановлении своей партии.

Пенсионерлар фиркасенең чыгуыҮзгәртү

2012 елның февраль аенда «Русия пенсионерлар фиркасе» «Гадел Русия» фиркасеннән чыгуы турында һәм Владимир Путинны хуплаулары турында игълан итәләр. Шулай ук үз фиркаләрен торгызу турында җыелыш үткәрергә карар кылалар[8].

ПрограммаҮзгәртү

Гадел Русия программасы түбәндәге пунктларны кертә[9]:

  • Минераль-чимал комплексы керемнәренең гадел бүленеше, табигать рентасын кертү.
  • Хезмәт хаклары һәм пенсияләр реформасы: хезмәт хакының Эчке тулай продуктта өлешен арттыру хисабына хезмәт хакын өч тапкыр күтәрү.
  • Табышның прогрессив шкаласын кертү.
  • Зиннәтле малга салым кертү.
  • Хезмәт хакын сәгатьләп түләү.
  • Ришвәтчелекне дәүләт хыянәтенә тиңләү.

Шулай ук караҮзгәртү

ИскәрмәләрҮзгәртү