Булдырылган меланоцитар невус

Невус невуслы күзәнәкләрдән (невоцитлардан) тора, алар эпидермаль меланоцитлардан (чик, катнаш һәм интрадермаль невуслар) яки дерма меланоцитлардан (зәңгәр невус) килеп чыга.

Булдырылган меланоцитар невус
Саклык белгечлеге	онкология
ICPC 2 идентификаторы	S82
Булдырылган меланоцитар невус Викиҗыентыкта

1. Невуларның классификациясен, клиник күренешләрен һәм яманлашу мөмкинлеген аларның анатомо-гистологик урнашуыннан билгелиләр:

а) чик (юнкциональ) невусы яшь кешеләрдә тигез көрән төстәге тап яки төерчә булып барлыкка килә (рәс. 4. 11a). Невус күзәнәкләре эпидермис һәм дерма чигендә урнаша һәм сирәк кенә яманлаша ала (рәс. 4. 11б);

б) катнаш невус урта яшьтәге кешеләрдә тире өслегендә күтәренке папаула булып чыга. Төсе төрле була ала (коңгырт сарыдан алып куе көрәнгә чаклы), ләкин ешрак тигез (рәс. 4. 11в). Невуслы күзәнәкләр эпидермистан дермага (рәс. 4.11г) тарала һәм чик невуслар кебек, сирәк яманлаша;

в) интрадермаль невус — иң таралган форма, гадәттә өлкән яшьтә барлыкка килә. Папилломатоз ясалудан гыйбарәт. Пигментация булса, аз була. Өслегендә киңәйгән тамырлар һәм үсүче керфекләр ачыклап була (рәс. 4. 11д). Гистологик яктан невус күзәнәкләре дермага карый һәм яманлаша алмый (рәс. 4. 11е);

г) гистологик вариантларга баллонлы-күзәнәкле невус, һало-невус, Спитц невусы (ювениль меланома) һәм диспластик невус (атипик миң) керә. Күп санлы диспластик невуслар булганда диспластик невус синдромы турында сөйлиләр (атипик миң синдромы), ул конъюнктива һәм тамырлы тышча невуслары, тагын тире, конъюнктива һәм тамырлы тышча меланомасы үсеше куркынычлык факторы булып тора.

2. Дәвалау яманлашу шиге булса яки косметик максат белән күрсәтелә. Кисеп алу радикаль булырга тиеш, чөнки тулысынча кисеп алмаганнан соң рецидивны меланомадан клиник һәм гистологик яктан аеру авыр.

Чыганаклар

• Джек Кански. Клиник офтальмология. Системалаштырылган караш. / редакторлар: Еричева В.П.. — 2009. — Б. 944. — ISBN 83-7609-034-8.