Борын-яшь юлы үткәрмәүчәнлеге
Борын-яшь юлы үткәрмәүчәнлеген аның үтәрүчәнлегенең тоткарланган кайтуы дип атау яхшырак. Яшь юлының аскы ахыры (Һаснер каплавычы) яшь үткәрү системасының соңгы өлеше, анда үткәрүчәнлекнең кайтуы (гадәттә туганнан соң) була. Балаларның 20% диярлек гомернең беренче елында тыгылу билгеләре барлыкка килә, ләкин 96% очракта аларның үзлегеннән беренче 12 айда бетүе күзәтелә.
| Борын-яшь юлы үткәрмәүчәнлеге | |
 | |
| Саклык белгечлеге | офтальмология |
|---|---|
| NCI Thesaurus идентификаторы | C34757[1][2] һәм C34757[1] |
 Борын-яшь юлы үткәрмәүчәнлеге Викиҗыентыкта | |
1. Билгеләре
• Балаларда яшь түгелү һәм керфекләрнең ябышуы (рәс. 5.13) даими яки туңганнан яки сулыш юллары инфекцияләреннән соң кабатлана ала.
• Яшь капчыгына әкрен генә басканда яшь ноктасыннан үлек чыга.
• Кискен дакриоцистит хас түгел (рәс. 5.14).
2. Дифференциаль диагностиканы яшь түгелүнең башка тумыштагы сәбәпләре белән үткәрәләр, шулардан яшь ноктасы атрезиясе һәм яшь капчыгы белән тире арасындагы фистула. (5.15 рәсем).
NB Яшь түгелү белән балаларда тумыштагы глаукоманы кире кагу мөһим.
3. Дәвалау
а) яшь капчыгын массажлау гидростатик басымны арттыра һәм элпәле тыгылуны ерта ала. Бу алымны башкарганда имән бармакны гомуми юлга яшь ноктасыннан рефлюксны бикләү өчен куялар, аннары басымны аска юнәлтәләр. Көнгә 4 тапкыр 10 массаж хәрәкәте ясарга киңәш ителә. Массаж кабаклар гигиенасы белән бергә башкарылырга тиеш, ә урынлы антибиотикларны сирәк очрый торган бактерия конъюнктивиты очрагында кулланырга кирәк;
б) яшь үткәрү системасын зондлау (рәс. 5.16) балага 12-18 ай җиткәнче кичектерелергә тиеш, чөнки якынча 96% очракта үзлегеннән үткәрүчәнлекнең кайтуы була. Гомернең беренче 1-2 елында башкарылган зондлау башта бик нәтиҗәле, ләкин соңыннан аның кимүен күзәтәләр. Зондлауны гомуми наркоз астында башкаралар. Һаснер каплавычындагы киртә элпәсен кул белән үтәргә кирәк. Зондлаудан соң яшь үткәрү системасын тамгаланган флюоресцеин белән физиологик эремә белән юалар.
Флюоресцеин йоткылыкка эләксә, сынау уңай санала. Зондлаудан соң антибиотикларны 3 атна дәвамында көнгә 4 тапкыр тамызалар. 6 атнадан соң яхшыру булмаса, манипуляцияне кабатлыйлар. Борын аша эндоскопик тикшерү анатомик аномалияләрне ачыклау һәм зондлауны дөрес үткәрү өчен һәр яңа манипуляция алдыннан аеруча мөһим.
4. Нәтиҗәләр гадәттә яхшы: Балаларның 90% беренче зондлаудан соң, 6%'ы кабатлаудан соң савыга.
Нәтиҗәсез дәвалауның сәбәпләре гадәттә анатомик тайпылышлар була, алар зондлауны үткәргәндә кыенлык булганда һәм тыгылган яшь үткәрү юлларын юганда ачыклана. Техник яктан канәгатьләнерлек ике манипуляция башкарганнан соң симптомнар сакланса, юка силастик көпшә ярдәмендә борын-яшь юлын шарлы киңәйтү белән яки ансыз вакытлыча интубацияләп була. Бу манипуляцияләр булышмаган балаларга 3-4 яшьтә тыгылу яшь капчыгыннан астарак урнашса ДЦР башкаралар.
Искәрмәләр үзгәртү
- ↑ 1,0 1,1 Disease Ontology — 2016.
- ↑ Monarch Disease Ontology release 2018-06-29 — 2018-06-29 — 2018.
Чыганаклар үзгәртү
- Джек Кански. Клиник офтальмология. Системалаштырылган караш. / редакторлар: Еричева В.П.. — 2009. — Б. 944. — ISBN 83-7609-034-8.