Борис Матюшенко
Матюшенко Борис Павлович (2 ноябрь 1883, Санкт-Петербург — 25 март 1944, Прага) — украин совет һәм җәмәгать, сәяси һәм дәүләт эшмәкәре. Медицина докторы (1912 ел), профессор, табиб-гигиенист[1].
| Җенес | ир-ат |
|---|---|
| Туу датасы | 2 ноябрь 1883 |
| Туу урыны | Санкт-Петербург, Россия империясе |
| Үлем датасы | 25 март 1944 (60 яшь) |
| Үлем урыны | Прага, Боһемия һәм Моравия протектораты[d] |
| Ире яки хатыны | Мария Григорьевна Матюшенко-Гоженко[d] |
| Һөнәр төре | дипломат |
| Әлма-матер | Тарас Шевченко исемендәге Киев милли университеты[d] |
| Сәяси фирка әгъзасы | Украин инкыйлаб фиркасе[d] |
| Әгъзалык | Научное общество имени Тараса Шевченко[d] |
Биографиясе үзгәртү
Россия армиясе офицеры гаиләсендә туа. Гимназияне һәм Киев университетының медицина факультетында белем ала (1909 ел). Киев университетына караган клиникада һәм Киев хатын-кызлар медицина университетында ассистент һәм хәрби табиб булып эшли. 1903 елдан — ГРУП (Революцион Украина партиясенең) актив әгъзасы, 1905 елның декабреннән — СДРП (Украина социаль-демократик эшчеләр фиркасе) әгъзасы, актив революцион эшчәнлек алып барган өчен кулга алына һәм Киевтан сөреп җибәрелә.
1914 елда хәрби врач буларак гамәлдәге армиягә мобилизацияләнә. 1917 елның җәенә Көньяк-Көнбатыш фронтның хәрби частьларында һәм госпитальләрендә хезмәт итә.
1917 елның августыннан Украина Үзәк радасы йөкләмәсе буенча Украинада сәламәтлек саклау хезмәтен оештыру эшен башлый, эчке эшләр генераль секретариаты каршындагы медицина-санитария идарәсен җитәкли. Украин Республикасы яшәгән чорда сәламәтлек саклау һәм попечителлек министрлыгының сәламәтлек саклау департаменты мөдире булып эшли. 1918 елның ноябреннән 1919 елның февраленә кадәр Украин Халык Республикасының сәламәтлек саклау һәм попечителлек министры вазифасын били.[2]
1920-1921 елларда Чит илләрдә украин Кызыл тәре бюросын җитәкли. 1921 елның декабреннән Прагадагы Ирекле Украин университетында укыта.
Подебрадада (Чехословакия) Украина хуҗалык академиясенә нигез салучыларның берсе була. Прагада Карлов университетының медицина докторы, Чехословакия Социалистик Республикасы Евгеника институтының ике кафедрасы җитәкчесе булып эшли.
Чехословакия Социалистик Республикасының Украина табиблары Союзына 1922 елда нигез төзәүче була һәм 1923-1935 елларда Чехословацкие Социалистик Республикасының Украина табиблары союзын үзе җитәкли, 1923-1925 елларда союзның басма органы — "Украина Медицина Вестнигы"н мөхәррирлә һәм бастыра. "Латин-украин медицина сүзлеге" мөхәррире..
Прагада вафат була. Борис Матюшенко хөрмәтенә Киевта урам аталган.
Искәрмә үзгәртү
- ↑ Матюшенко Борис Павлович | Енциклопедія Сучасної України. 2020-09-10 тикшерелгән.
- ↑ Матюшенко Борис Павлович — Реферати статті публікації — ОСВІТА ПЛАЗА. 2020-09-10 тикшерелгән.