Архиерей күле
Архиере́й күле́ (Тарлаш күле) - Көнбатыш Кама төбәгендәге күл. Лаеш районының Тарлаш авылы янында.
Су өслегенең мәйданы 60 га. Су күләме 4495 мең м³. Озынлыгы 2140 м, иң киң урыны 480 м. Уртача тирәнлеге 6,5 м, иң зур тирәнлеге 22 м. Күл карст-суффозия процесслары тәэсирендә барлыкка килгән. Идел елгасының биек террасасы буйлап сузылган. Җир асты сулары исәбенә туена. Суы болганчыграк, иссез, җиңелчә минеральләшкән (68,2 мг/л), гидрокарбонат-сульфат-хлорид-кальцийлы, йомшак (гомуми катылыгы 2,5 мг-экв/л). Күл ләмләнә бара.
Архиерей күле фәнни танып белү әһәмиятенә ия; ял итү урыны. ТРның табигать истәлеге (1978).
Чыганаклар
үзгәртү- Мәгълүматны бирүче: ТР Фәннәр академиясенең Татар энциклопедиясе институты.
- Татар энциклопедиясе. Казан, 2008. 2016 елның 6 март көнендә архивланган.