Çat Kobcitti
Çat Kobcitti (tay. ชาติ กอบจิตติ; 1954 yılnıñ 25 iyüne, Tailand, Samutsakhon[en]) — Tailand yazuçısı. Berniçä populär roman häm qısqa xikäyälär cıyıntığı avtorı[2].
| Çat Kobcitti tay. ชาติ กอบจิตติ | |
 | |
| Tuu datası | |
|---|---|
| Tuu urını | |
| Watandaşlıq | |
| Eşçänlek töre | |
| Büläklär | |
Karyerası
үзгәртүÇat Kobcitti 1954 yılda Samutsakhon[en] provinsiäsendä tuğan. 1969 yılda, 15 yäşendä, ul mäktäp publikatsiäse sıyfatında üzeneñ berençe «Mäktäp uquçıları-xuligannar» xikäyäsen bastırğan. Aña tanılu kitergän berençe äsär «Xökem» dip atala. «Xökem» yıl kitabı dip iğlan itelgän, häm Çat Kobcitti Könyaq-Könçığış Aziä ädäbi premiäsen alğan. Bu äsär ingliz telendä basılıp çıqqan. Monnan tış, kitap motivları buyınça tulı metrajlı «Ay Fak» filmı töşerelgän (2004)[3].
1994 yılda anıñ «Waqıt» romanı tänqitçelär tarafınnan yuğarı bäyälängän. Bu romanı öçen Çat Kobcitti ikençe tapqır Könyaq-Könçığış Aziä ädäbi premiäsenä layıq bulğan. 2004 yılda yazuçı «Ädäbiät» kategoriäsendä Tailand xalıq artistı dip iğlan itelgän. «Ğädäti tarix» häm «Çığu yuq» romannarı şulay uq avtornıñ kürenekle äsärläre bulıp sanala[4].
Çat Kobcitti Tailandnıñ berniçä mäktäbendä häm universitetında leksiälär belän çığış yasağan. Böten ğömeren yazuçılıqqa bağışlağan keşe bularaq, Çat Kobcitti yış qına yäş talantlı keşelärgä bu ölkädä üz yulın tabarğa, döres yunäleştä üsärgä yärdäm itärgä äzer buluwın äytä.
Samnakphim Hon (Howling Books) näşriät yortına nigez salğan. Çat Kobcittinıñ xezmätläre ingliz, fransuz, alman, qıtay, yapon, malaya tellärenä tärcemä itelgän[5].
«Xökem» romanı
үзгәртү«Xökem» romanınıñ töp geroyı — Fak isemle yäş keşe. Waqiğalar keçkenä awılda bara, anda barısı da ber-bersen belä. Elek Fak monastırdä posluşnik bulğan, böten ğömeren monaxlıqta ütkärergä xıyallanğan. Läkin Faknıñ ätise nıq sälämätlekkä iä tügel, aña xucalıqta yärdäm kiräk. Şul säbäple Fakqa, ätisenä yärdäm itär öçen, ruxani xezmätennän kitärgä turı kilgän. Xäzer ul ğibädätxanä qarşındağı provinsial’ mäktäptä cıyıştıruçı bulıp eşli. Ätise ülgäç, Fak anıñ tol xatının xatınlıqqa ala. Anı doşman cämğiätennän saqlarğa tırışıp, ul üze xorafatlar häm kürşeläre tarafınnan añlamawnıñ qorbanı bula. Ul xämerdä yuwanıç taba[6].
İskärmälär
үзгәртү- ↑ Summary Bibliography: Chart Korbjitti.
- ↑ Chart Korbjitti.
- ↑ 1982 S.E.A. Write Awards. әлеге чыганактан 2011-07-19 архивланды.
- ↑ 1994 S.E.A. Write Awards. әлеге чыганактан 2011-07-19 архивланды.
- ↑ Корнев В. И. Литература Таиланда. Краткий очерк. — Москва: Наука, 1971.
- ↑ คำพิพากษา by ชาติ กอบจิตติ.