«Kreml» metro stantsiəse

«Kreml» metro stantsiəse (Urısça: Кремлёвская) — Qazan metrosınıñ tönyaq oçındağı soñ stansiəse. Şəhər üzəgendə, Qazan Kremle həm Yərminkə məydanı yanında, Bauman həm Profsoyuznaya uramnarı başında urnaşa. Arxitektorları — R. Nurgalieva həm S.Mamleyeva. Rəssamı — N. Xaziaxmetov.

Бу мәкаләнең кирилл әлифбасындагы игезәге бар.

Stansiə 2005 yılnıñ 27 avgustında berençe metro sızığı belən açıla.

Arhitektura

"Kreml" — ber tüşəmle say ber platformalı stantsiə. İke vestibüle bar, berse könyaqqa, Bauman uramına çığa, ikençese tönyaqqa, Kreml həm Yərminkə məydanına çığa. Könyaq vestibülendə bulğan ike eskalator xalıq ağımı kim bulu səbəple waqıtlıça eşləmi tora. Tönyaq vestibülennən tışqa ike çığış bar, berse Bolaqqa yaqınraq urnaşqan, ikençese Kreml yanında Bauman uramınıñ ike yağına çığa. Stantsiə arxitekturasında Qazan Kremle motivları kürenə, diwarlar mozaik belən yasalğan xalıq awız icatı sürətləre belən bizəlgən. Stantsiə diwarları çın taşlardan salınğan, mərmər belən qaplanğan.

Platformanıñ urtasında 5 beton manara quyılğan. Manaralarda tişeklər bar, alar tötenləngən pıyala belən qaplanğan, eçtən yaqtırtıla. Manaralarnıñ öste pıyaladan yasalğan figuralar belən bizəlgən. Urtadağı manara Söyembikä manarası stilendə yasalğan. İkeseneñ östendə Qazan xanlığı çorı mavzoleyləre tora, tağı ikeseneñ östendə məçet manaraları tora. Platformadağı manaralar tirəli ağaç eskəmiələr quyılğan.

Monı da qarağız

• Qazan Metrosı
• Qazan Kremle

Sıltamalar

• Фотосурәтләр (рус.)