Инбер Шәфыйков
Инбер Шәфыйков, Инбер (Иңбер) Вәгыйзь улы Шәфыйков (1941 ел, ССРБ, РСФСР, ТАССР, Мөслим районы, Мөслим — 2001 ел, РФ, ТР, Яр Чаллы) — үзешчән композитор, җырчы, музыкант, курайчы. Яр Чаллыда һәм тирә-як районнарда бик күп балаларны курайда уйнау серләренә өйрәткән педагог..
| Инбер Шәфыйков | |
 | |
| Төп мәгълүмат | |
|---|---|
| Тугандагы исеме |
Иңбер Вәгыйзь улы Шәфыйков |
| Туу көне | |
| Туу урыны | |
| Үлү көне | |
| Үлү урыны | |
| Эшчәнлек еллары |
1960—2001 |
| Дәүләт | |
| Һөнәрләр |
курайчы, педагог |
| Кораллар | |
| Милләт | |
Тәрҗемәи хәле үзгәртү
1941 елда Татарстан АССР Мөслим районы үзәге Мөслим авылында укытучылар гаиләсендә туган. Бертуганнары — Асия, китапханәче; Мэлс, токарь; Лена (Мөслимә Шәфыйк, 1937―2023 [1]), радиожурналист; Рәшит (1949), атказанган хәрби очучы[2]. Инбер яшьтән үк халык уен кораллары белән кызыксына. Армиядә хезмәт иткәндә хәрби тынлы уен кораллары оркестрында уйный. Казан музыка укуханәсен тәмамлый. Студент елларыннан ук көйләр язу белән мавыга. Әлмәт, Алабуга музыка һәм сәнгать укуханәләрендә укыта. 1970 елдан Яр Чаллы шәһәрендә яши.
Иҗаты үзгәртү
Композитор һәм курай ясау остасы Ифрат Хисамов белән танышып, үзе дә курай ясау эшенә керешә. Яр Чаллының шәһәр балалар үзәгендә бик күп балаларны курайда уйнау серләренә төшендерә. Иңбер Шәфыйков — гомеренең 30 елын сәхнәгә багышлап, татар мәдәниятен үстерүгә зур өлеш керткән, күп еллар «Чулман» ансамблен җитәкләгән үзешчән композитор, җырчы, курайчы.
1993 елда Яр Чаллының шәһәр балалар иҗат сарае каршындагы «Нур» милли мәдәниятне һәм сәнгатьне өйрәнү бүлегенең беренче җитәкчесе итеп билгеләнә. Үзе җитәкләгән бүлектә курайчылар, гармунчылар ансамбльләре оештыра. Шәкертләрен олы сәхнәгә чыгара[3].
2001 елда Чаллы шәһәрендә вафат.
Хәтер үзгәртү
- 2011 елдан Яр Чаллыда Инбер Шәфыйков истәлегенә республикакүләм «Моңлы курай» курайчылар бәйгесе оештырыла[4][5].
Искәрмәләр үзгәртү
- ↑ Көмеш тавышлы Мөслимә Шәфыйк вафат. ОБФ «ЯРДАМ - ПОМОЩЬ», 4.05.2023
- ↑ Мөслимә Шәфыйк. Рәшит Шәфыйков 2019 елның 24 март көнендә архивланган.. Мөҗәһит Әхмәтҗанов сайты
- ↑ «Моңлы курай» сайты(үле сылтама)
- ↑ Инбер Шәфыйков истәлегенә багышланган 3нче республикакүләм «Моңлы курай» курайчылар бәйгесе узды 2021 елның 19 сентябрь көнендә архивланган.. «Авыл утлары»
- ↑ Иңбер Шәфыйков исемендәге республикакүләм курайчылар бәйгесе 2021 елның 23 сентябрь көнендә архивланган.. ТР муниципаль берәмлекләр шурасы порталы, 15.05.2018
Әдәбият үзгәртү
- Ф. Н. Баһаутдинов. Без Мөслим балалары. К.: «Идел-Пресс», 2006 ел, 541нче бит. ISBN 5-85247-005-4
Сылтамалар үзгәртү
- Инбер Шәфыйков(үле сылтама). «Моңлы курай» сайты