Azatlıq radiosı

"Azatlıq" radiosı, İrekle Awrupa – Azatlıq radiokompaniäseneñ Tatar, Başqort tellärendäge tapşıruları. AQŞ Congressı tarafınnan finanslana. Tatar-Başqort redaksí 1953. yılda Tatar möhacirläre qatnaşında oyıştırıla. Direktorları: Şihap Niğmäti, Ğärif Soltan, 1989. yıldan Färit İdelle.

Tarixı

Başta München, 1995. yıldan Praha şähärlärendä urnaşa.

Tapşırular qısqa dulqınnarda könenä 4 säğät alıp barıla, ozın häm FM dulqınnarında translyatsiälänä, İnternettä eçtälege birelä (Radio Free Europe'nıñ Tatar-Başqort Xezmäte). Tapşırular Awrupa, Aziä illärendä häm Avstraliäda qabul itelä. 1996.dan Azatlıqnıñ Qazan wäkillege eşli (2000. yıldan direktorı – Rimzil Wäli).

Räsäydä Yekaterinburg, İjaw, Amurdağı Komsomolskidä (Komsomolsk-na-Amure), Mäskäw, Omski, Orenburg, Pitırbur, Samara, Tömän, Sember (Ulyanovsk), Ufa (Öfä) h.b. şähärlädä xäbärçelär üzäkläre oyıştırılğan; dönya xäbärläre, Tatar, Başqort, Qırım Tatarları tormışındağı ictimaği-säyäsi waqiğalr häm mädäniät yañalıqları yaqtırtıla.