Өмүрбек Токтогул улы Бабанов (кырг. Өмүрбек Токтогулович Бабанов; 1970 елның 20 мае, Чымгент авылы, Киров районы, Кыргыз ССР, ССРБ) — Кыргыз сәяси һәм дәүләт эшлеклесе. «Республика» парламент фракциясе һәм сәяси партиясенең элеккеге лидеры.

Өмүрбек Бабанов
Туган телдә исем кырг. Өмүрбек Токтогулович Бабанов
Туган 20 май 1970(1970-05-20) (53 яшь)
Чымкент, Айтматовский район[d], Кыргыз Совет Социалистик Җөмһүрияте, СССР
Ватандашлыгы  Кыргызстан
Әлма-матер Мәскәү авыл хуҗалыгы академиясе[d]
Һөнәре эшкуар, сәясәтче
Сәяси фирка Республика-Ата Журт[d] һәм Республика[d]

 Өмүрбек Бабанов Викиҗыентыкта

Кыргызстан Республикасының 17 нче Премьер-министры (2011—2012)

Тормыш юлы үзгәртү

1993 елда Тимирязев исемендәге Мәскәү авыл хуҗалыгы академиясен тәмамлый. 2005 елда Россия Федерациясе хөкүмәте каршындагы халык хуҗалыгы академиясен (Финанс менеджменты югары мәктәбе), 2009 елда Кыргызстан дәүләт юридик академиясен тәмамлый.

Хакимият структураларына килгәнче бизнес белән шөгыльләнгән. Дәүләт капиталы катнашында мамык экспортлау, шулай ук республикага нефть продуктлары белән тәэмин итү белән шөгыльләнүче берничә эре фирманы җитәкләгән. 2005 елда «тюльпан» революциясеннән соң Кыргызстан парламенты депутаты итеп сайлана.

Хөкүмәттә эшчәнлек үзгәртү

2007 елда президент Корманбәк Бакиевның отставкага китүен таләп иткән оппозиция составына кушыла. Революциядән соң һәм Бакиевның илдән йөгерүеннән соң, беренче вице-премьер вазыйфасында, Алмазбәк Атамбаев хөкүмәте составына керә. Атамбаевны президент итеп сайлаганнан соң, 2011 елның октябрендә Хөкүмәт башлыгы вазыйфаларын башкара башлый[1]. Парламент күпчелеге коалициясе таркалганнан соң, 2012 елның 1 сентябрендә отставкага китә[2].

2010 елның июнендә «Республика» партиясенә нигез сала[3]. Октябрьдә узган сайлауларда партия сайлаучыларның 13% тавышын ала һәм дүртенче урынны алып, Кыргызстан парламентына керә[4].

2014 елның 20 октябрендә «Республика» һәм «Ата-Журт» партияләренең чираттан тыш республика съезды уздырыла, анда делегатлар күпчелек тавыш белән «Республика-Ата Журт» яңа сәяси көч булдыру өчен чыгыш ясыйлар[5]. Өмүрбек Бабанов Камчыбек Ташиев белән беррәттән яңа партия рәистәше була.

2015 елның җәендә партия Кыргызстан Республикасының Жогорку Кеңешка сайлауларга актив әзерләнә башлый. 2015 елның октябреннән 2017 елның ноябренә кадәр — Кыргызстан Республикасы Жогорку Кеңеш депутаты, «Республика-Ата Журт» парламент фракциясе лидеры.

Президент сайлаулары үзгәртү

2017 елның 16 августында Кыргызыстан Үзәк сайлау комиссиясе Өмүрбек Бабановны 2017 елның 15 октябрендә узгачак сайлауларда Кыргызстан Президенты постына кандидат итеп теркәгән[6]. Бабанов беренче турда ук үзенең төп көндәше Суранбай Җиянбәковка оттырып, икенче урынны ала[7].

2017 елның 30 декабрендә Бабанов депутат вәкаләтләренең туктатылуы һәм сәясәттән китүе турында белдергән[8].

Шәхси тормыш үзгәртү

Өйләнгән. Хатыны — Рита Бабанова. Дүрт баласы бар (өч кызы һәм бер улы)[9].

Кыргызстанның иң бай кешесе (1,5 млрд АКШ доллары) булып тора[10][11]. Өмурбек Бабанов Facebook социаль челтәрендә рәсми рәвештә расланган беренче кыргызстанлы була[12].

Искәрмәләр үзгәртү

  1. Countries JK
  2. Премьер Киргизии О. Бабанов ушел в отставку., РБК. 15 февраль 2017 тикшерелде. архив күчермәсе, Archived from the original on 2018-12-21, retrieved 2021-07-27 
  3. African-Kyrgyz Kickboxer Making Run for Kyrgyzstan’s Parliament
  4. "Выборы депутатов Жогорку Кенеша Кыргызской Республики (Russian)". Shailoo. әлеге чыганактан 2012-07-02 архивланды. 2010-10-14 тикшерелгән.
  5. Бабанов и Ташиев объединили силы в партии "Республика Ата-Журт".
  6. ЦИК: Омурбек Бабанов зарегистрирован кандидатом на должность президента. Информационное Агентство Кабар. 2017-10-15 тикшерелгән.
  7. Анна Капушенко (2017-10-30). ЦИК объявил Жээнбекова победителем президентских выборов. 2021-03-04 тикшерелгән.
  8. Омурбек Бабанов заявил, что уходит из политики и отказывается от мандата
  9. У Бабанова родилась дочка » Общество » Gezitter.org - Чтобы понимали.... www.gezitter.org. әлеге чыганактан 2017-02-15 архивланды. 2017-02-15 тикшерелгән.
  10. Топ 10 | Самые богатые люди Кыргызстана на 2016 год
  11. Архивированная копия. әлеге чыганактан 2017-10-15 архивланды. 2017-10-15 тикшерелгән.
  12. Facebook верифицировал страницу Омурбека Бабанова. (үле сылтама)

Сылтамалар үзгәртү