Чирмешән туган як тарихы музее
Чирмешән туган як тарихы музее (рус. Историко-краеведческий музей Черемшанского района) — Татарстанның Чирмешән районы үзәге Чирмешән авылында урнашкан муниципаль мәдәният оешмасы (музей). Чирмешән төбәге тарихы белән таныштыра.
| Чирмешән туган як тарихы музее | |
| Дәүләт |
 Россия |
|---|---|
| Административ-территориаль берәмлек | Чирмешән районы |
| Урын | Чирмешән (Чирмешән районы) |
| Чирмешән туган як тарихы музее | |
|---|---|
| |
| Нигезләү датасы | 2007 |
| Урын | 423100 ТР, Чирмешән районы, Чирмешән, 1 Май ур., 29. |
| Директор | Алмаз Әгъзам улы Закиров |
| Сайт | Музей сайты |
 Тышкы рәсемнәр
| |
|---|---|
|
Музейдан фотосурәтләр. |
Тарих
үзгәртү1980 елның 1 маенда Чирмешән районы мемориаль үзәге ачыла[1]. 2006 елның 27 декабрендә музейга нигез салына, 2007 елның 4 августында ачыла. Музейны нигезләүдә ТР атказанган мәдәният хезмәткәре Николай Сергей улы Фролов башлап йөри [2]. Хәзерге вакытта Чирмешән районы мемориаль үзәге — Чирмешән туган як тарихы музееның бер бүлеге[3].
Бина
үзгәртүМузей ике катлы бинада урнашкан.
Экспонатлар
үзгәртүМәйданы — 680,2 кв. м. Фондта 2 804 саклау берәмлеге. 8 экспозиция залы бар. Музей экспозицияләренең авторлары — Н. С. Фролов һәм В. В. Захарова. Музейда Чирмешән турында матди тарихи чыганаклар, документлар саклана. Экспонатлар арасында XIII гасыр тәңкәләре, Екатерина II заманы нумизматика тупланмасы бар. Этнография тупланмасында төбәктә яшәүче барлык милләтләрнең тарихы күзаллана. XIX гасырда татар һәм мордва хатын-кызлары кигән милли киемнәр күрсәтелә. Чирмешән районы мемориаль үзәгендә Чирмешән төбәге белән бәйле 16 мең шәхес турында мәгълүмат тупланган. 2017 елда Альберт Борһанов җитәкчелегендә Чирмешән районында узган фәнни-эзләнү эшләрендә табылган барлык археологик табылдыклар музейга тапшырылган[4].
Тупланмалар
үзгәртү- нумизматика
- сынлы сәнгать, скульптура, графика әсәрләре
- табигать фәннәре
- сирәк китаплар, шул исәптән, 1934 елда басылган «Кече совет энциклопедиясе», 1951—1957 елларда басылган 50 томнан торучы «Зур совет энциклопедиясе».
Экскурсияләр
үзгәртү- Октябрь инкыйлабы һәм Ватандашлар сугышы
- Күмәк хуҗалыклар төзелү
- Сәяси золым
- Бөек Ватан сугышы
- Чирмешән кирмәне — ачык һавадагы музей
Сылтамалар
үзгәртү- Чирмешән районы туган як тарихы музее. 2019 елның 4 август көнендә архивланган. Чирмешән районы сайты
- Историко-краеведческий музей Черемшанского района. tatfrontu.ru(рус.)
Искәрмәләр
үзгәртү- ↑ Черемшанский мемориальный центр. Музеи России(рус.)
- ↑ Чирмешән районы туган як тарихы музее. 2019 елның 4 август көнендә архивланган. Чирмешән районы сайты, 15.05.2014
- ↑ Черемшанский Мемориальный центр - отдел Историко-краеведческого музея Черемшанского муниципального района РТ. Музеи России(рус.)
- ↑ Кадрия Гамирова. В Черемшанском музее насчитывается более 3000 экспонатов. «Безнең Чирмешән», 17.05.2018