Филүз Казакбаев
.svg){kind=small}
Казакбаев Филүз Хәсән улы (31 июль 1971 ел) — биюче, балетмейстер. 2013 елдан — Фәйзи Гаскәров исемендәге дәүләт академия халык биюләре ансамбленең сәнгать җитәкчесе һәм 2014 елдан — директоры. Башкортстан Республикасының халык (2008) һәм атказанган (2000) артисты.
| Филүз Казакбаев | |
|---|---|
| Туган | 31 июль 1971 (52 яшь) |
| Ватандашлыгы |  СССР Россия |
Биографиясе үзгәртү
Филүз Хәсән улы Казакбаев 1971 елның 31 июлендә Башкорт АССРның Зиянчура районы Түбән Бикбирде авылында туган.
Гаиләдә сәнгатькә игътибар көчле була, атасы — җыр укытучысы, гармунда уйный, җырлый, еш кына төрле концертларда, смотрларда катнаша. Филүзне дә үзе белән йөртә. Авылга сәләтле балалар белән эшләргә Таһир Тайсин дигән укытучыны чакыртып алалар. Тәүге тапкыр Филүзне сәхнәгә бастырган кеше ул була: аны күмәк биюләрдә дә катнаштыра, ялгыз бию дә куя — "Перовский"ны. Моннан соң инде Филүз бары тик сәхнә, Фәйзи Гаскәров ансамбле турында хыяллана.
1990 елда балет артисты һөнәре буенча Башкорт хореография училищесын (педагогы М.Ә.Кәримов), 2010 елда — Чиләбе дәүләт мәдәният һәм сәнгать академиясен (педагогы Е.С.Понькина) «иҗтимагый -мәдәни эшчәнлек менеджеры» квалификациясе алып тәмамлый.
1990-1992 елларда армиядә хезмәт итә.
1992 елдан 2011 елга кадәр Фәйзи Гаскәров исемендәге дәүләт академия халык биюләре ансамбле солисты, 2011-2012 елларда — Хөсәен Әхмәтов исемендәге Башкорт дәүләт филармониясенең постановка бүлеге мөдире булып эшли.
2013 елдан бирле Филүз Хәсән улы — Ф. Гаскәров исемендәге дәүләт академия халык биюләре ансамбленең сәнгать җитәкчесе һәм 2014 елдан — директоры.
Лирик һәм гротесклы биюләрне башкаручы Казакбаев Филүз Хәсән улы сәнгатенә музыкальлек, нәфис һәм нечкә техника хас. Биюче актерлык сәләтенә, табигый осталыкка ия. «Гөлнәзирә», «Кияү егете», «Уйна, гармун», «Өч таган», «Шаян кызлар», «Язгы ташкын» һәм башка биюләрдә ялгыз партияләр башкара. Кремль сарае сәхнәсендә, П.И.Чайковский исемендәге, «Россия» (бөтенесе дә-Мәскәү), «Октябрьский» (С-Петербург) һәм башка концерт залларында чыгыш ясый. Мәскәүдә Башкортстан Республикасы көннәрендә (1997), Санкт-Петербургта Башкортстан мәдәнияте көннәрендә (2001), Төркиядә Башкортстан Республикасы көннәрендә (Истанбул шәһәре, 2006), «рус кышы» («Русская зима») фестивалендә (Лондон, 2006) һ.б. катнаша. Россия буйлап һәм дөньяның 20 илендә гастрольләрдә була.
Башкортстан Республикасы Уфа шәһәре шәһәр округы хакимияте башлыгы каршындагы мәдәният буенча җәмәгать советы әгъзасы.
Гаиләсе үзгәртү
Тормыш юлдашы — билгеле шәхес, Башкортстанның халык артисты Сара Буранбаева белән бер ул тәрбиялиләр.