Символ Гайнетдинов
Символ Гайнетдинов, Символ Сәлим улы Гайнетдинов (сәхнә псевдонимы Символ Гайнетдин-Агыйделский, 1955 елның 26 марты, СССР, РСФСР, БАССР, Калтасы районы, Яңа Кабан) ― драма актеры, төрле елларда Әлмәт, Яр Чаллы, Уфа «Нур» татар дәүләт театрлары артисты. Татарстанның атказанган артисты.
| Символ Гайнетдинов | |
|---|---|
 | |
| Туган телдә исем | Символ Сәлим улы Гайнетдинов |
| Туган | 26 март 1955 (69 яшь) СССР, РСФСР, БАССР, Калтасы районы, Яңа Кабан |
| Милләт | татар |
| Ватандашлыгы |  СССР→ РФ |
| Һөнәре | драма актеры |
| Бүләк һәм премияләре | Татарстанның атказанган артисты |
| Сайт | Символ Гайнетдин-Агыйдельский |
Тәрҗемәи хәле үзгәртү
1955 елның 26 мартында Башкортстан АССР Калтасы (хәзерге Кызыл Кама) районы Яңа Кабан авылында туган. Мәктәпне, Нефтекама шәһәрендә СГПТУ-38 не тәмамлаганнан соң, Көнбатыш Себергә китә: Самотлор, Мегион, Нижневартовскида эшли. Театрга булган мәхәббәте Казанга кайтарган. М. Сәлимҗанов курсында укып, Казан театр училищесын тәмамлаган. Укудан соң Әлмәт татар драма театрында эшли башлый. Комсомол юлламасы белән эчке эшләр органнарына эшкә килә, ләкин театрны да ташламый. 1990 елдан Яр Чаллы дәүләт татар драма театрында эшләгән. Чаллы шәһәрендә унике ел «Нардуган» бәйрәменең режиссеры була. 1993 елда Казан дәүләт мәдәният һәм сәнгать университетының театр факультетын тәмамлаган. 2007―2015 елларда һәм 2020 елдан Уфа «Нур» татар дәүләт театрында эшли.
Мәскәүдә «Сәйяр» эстрада миниатюралары театрында эшләгән[1].
Чаллыда эшләгәндә «Символ» театр-эстрада труппасын оештырган[2].
Уфаның 84нче татар гимназиясендә «Символ» театр студиясе режиссеры[3].
Уйнаган кайбер рольләре үзгәртү
«Нур» театры үзгәртү
«Нур»да эшләү чорында күпсанлы кабатланмас образлар гәүдәләндерүдә төз, горур кыяфәт, ут уйнаткан күзләр, күңел кылларына үтәрдәй бәрхет тавышы ярдәм иткән[4]
- Гали Хәмитович – «Котлыйбыз, син әти булдың!» ( Р. Киньябаев)
- Сәлим – «Ак калфак» (М. Фәйзи)
- Биктимер – «Су юлы» (Н. Асанбаев)
- Гөргөри – «Гөргөри кияүләре» (Т. Миңнуллин)[5]
- Мәкъсүт – «Әниемнең ак күлмәге» (Ш. Хөсәенов)
- Мөгаллим – «Хаҗи әфәнде өйләнә» (Ш. Камал)
- Муса – «Американ» (К. Тинчурин)
- Дудукин – «Гаепсездән гаеплеләр» (А. Островский) һ. б.
Бүләкләре, мактаулы исемнәре үзгәртү
- Татарстанның атказанган артисты
Гаиләсе үзгәртү
Беренче никахы Гөлүсә Гайнетдинова, Татарстанның халык артисты, Камал, Әлмәт, Чаллы татар театрлары актрисасы; ике уллары[6].
Икенче никахы Лениза Гайнетдинова (Заманова)[7], Минзәлә, «Нур» театрлары актрисасы, Башкортстанның атказанган артисты (2014); кызы Әдилә (Гәрәева), Чаллыда педкөллият, Уфада Сәнгать академиясен тәмамлаган[8].
Искәрмәләр үзгәртү
- ↑ Гайнетдинов Символ Салимович. 2021 елның 23 апрель көнендә архивланган. Детская школа искусств с. Куяново Краснокамского района РБ(рус.)
- ↑ Минзәлә сәхнәсендә – Лениза Гайнетдинова (Заманова). «Минзәлә», 12.10.2014
- ↑ Символ.(үле сылтама) р02.навигатор.дети(рус.)
- ↑ Символ Гайнетдин-Агыйделский. «Нур» театры рәсми сайты
- ↑ «Нур»лар «Гөргөри»не җаратып уйнады. «Туганайлар», 21.02.2016
- ↑ Гөлназ Хәбибуллина. Чаллы театры артисты Гөлүсә Гайнетдинова: «Камал театры дип бик озак чирләдем». Интертат, 19.03.2021
- ↑ Лениза Гайнетдинова. ВКонтакте
- ↑ Аделя Гареева (Гайнетдинова). ВКонтакте
Сылтамалар үзгәртү
- Гайнетдинов Символ Салимович. 2021 елның 23 апрель көнендә архивланган. «Нур» театры рәсми сайты(рус.)