Нәҗип Хәмитов (язучы)
Нәҗип Хәмитов (псевдонимнары Ян Нэз, Нэз Светлый, тулы исеме Нәҗип Вилен улы Хәмитов, рус. Назип Виленович (вариант: Валентинович) Хамитов, укр. Назiп Вiленович Хамiтов) — украин һәм рус фәлсәфәчесе һәм психоаналитигы, язучы. Фәлсәфә фәннәре докторы (1998). Профессор (2007).
| Нәҗип Хәмитов | |
|---|---|
 Нәҗип Хәмитов | |
| Псевдонимнар: | Ян Нэз |
| Туу датасы: | 17 гыйнвар 1963 (61 яшь) |
| Туу урыны: | Украина, Киев |
| Милләт: | татар |
| Ватандашлык: |  ССРБ→ Украина |
| Эшчәнлек төре: | язучы |
| Юнәлеш: | фәлсәфә |
| Жанр: | фэнтези |
| Иҗат итү теле: | рус теле, украин теле |
Тәрҗемәи хәле
үзгәртү
1963 елның 17 гыйнварында Киевта туган. Киевның 168- мәктәбен, Киев дәүләт университетының (хәзер Тарас Шевченко исемендәге Милли университет) фәлсәфә факультетын тәмамлаган (1985). Кандидатлык (1992), докторлык (1998) диссертацияләре яклаган.
Хезмәт юлы
үзгәртү- «Киев-Могилян академиясе» милли университеты (Киев) профессоры.
- Украина милли фәннәр академиясенең Григорий Сковорода исемендәге фәлсәфә институты фәлсәфи антропология бүлеге әйдәүче фәнни хезмәткәре.
- 1998 елда Һумбольдт исемендәге Берлин университетында метаантропология буенча лекцияләр укый.
- Актуальләштерүче андрогин-анализ һәм психоанализ халыкара ассоциациясе президенты.
Фәнни эш юнәлеше
үзгәртү- Ир-ат һәм хатын-кыз арасындагы мөнәсәбәтләрне тирәнтен өйрәнү һәм коррекцияләү (төзәтү) белән шөгыльләнә торган актуальләштерүче андрогин-анализ һәм психоанализ методларын уйлап таба.[1]
- Афоризмотерапия — шәхесне махсус сайлап алынган автор афоризмнары ярдәмендә актуальләштерү методикасын уйлап таба.
- Җенесләрнең фәлсәфәсе һәм психологиясе проблемаларын, психоанализ фәлсәфәсен, мәдәниятнең архетиплары фәлсәфәсе һәм психологиясен, экзистенциаль антропология һәм метаантропологияне өйрәнә.
- Психология һәм фәлсәфәгә караган китаплар, шулай ук фэнтези жанрында язылган романнар авторы. Хатыны Светлана Крылова белән берлектә язылганнары да бар.
Китаплары
үзгәртү- «Хатын-кыз һәм ир-ат ялгызлыгы» («Одиночество женское и мужское») (1995),
- «Гадәтилектән котылу: сәнгать тормыш каршылыкларын җиңә» («Освобождение от обыденности: искусство как разрешение противоречий жизни») (1995),
- «Хатын-кыз һәм ир-ат арасындагы чик. Метаантропологиягә кереш» («Пределы мужского и женского. Введение в метаантропологию») (1997),
- «Фәлсәфә тарихы: кеше проблемасы» («История философии: проблема человека») (2000; С.А. Крылова һәм Л.Н. Гармаш белән берлектә),
- «Кеше яшәешендә ялгызлык» («Одиночество в человеческом бытии») (2000),
- «Җенеснең фәлсәфәсе һәм психологиясе» («Философия и психология пола») (2001),
- «Кеше фәлсәфәсе: метафизикадан метаантропологиягә» («Философия человека: от метафизики к метаантропологии») (2002),
- «Ир-ат һәм хатын-кыз сере» («Тайна мужского и женского») (2002),
- «Чибәр хатын-кыз психологиясе» («Психология красивой женщины») (2003; С.А. Крылова белән берлектә) һ.б.
Сылтамалар
үзгәртү- Н. Хәмитов һәм С. Крылованың рәсми сайты 2015 елның 24 февраль көнендә архивланган.