1950 елгы дөнья футбол чемпионаты
1950 елгы дөнья футбол чемпионаты (порт. Copa do Mundo FIFA de 1950) — 1950 елда узган дүртенче ФИФА дөнья футбол чемпионаты. Чара 24 июннән 16 июлгә кадәр Бразилиянең алты шәһәрендә (Рио-де-Жанейро, Сан-Паулу, Белу-Оризонте, Куритиба, Порту-Алегри һәм Ресифи) үткәрелгән.
 | |
| Тулылыклар | |
|---|---|
| Кабул итүче ил | Бразилия |
| Вакыт | 24 июн 1950 — 16 июл 1950 |
| Такымнар | 13 |
| Үткәрү урын(нары) | 6 (6 шәһәрдә) |
| Урыннар | |
| Чемпион |  Уругвай |
| Икенче урын |  Бразилия |
| Өченче урын |  Швеция |
| Дүртенче урын |  Испания |
| Ярыш статистикасы | |
| Уйналган мачлар | 22 |
| Кертелгән туплар | 88 (бер мачта 4) |
Ярышта 13 җыелма такым катнашкан, шуларның 7 - Аурупадан, 5 - Көньяк Америкадан, 2 - Төньяк Америкадан, 1 - Азиядән. Англия милли футбол җыелмасы дөнья чемпионтларында беренче тапкыр катнашкан. Һиндстан, Шотландия һәм Төркия футбол җыелмалары чемпионатка сайлап алынып та, катнашудан баш тартканнар.
Ярыш ике этаптан торган: беренче этапта 13 такым дүрт төркемгә бүленеп, әйләнмә система буенча уйнаган. Икенче этапта төркемнәрдә беренче урыннар алган дүрт бер-берсенә каршы бер мач уйнап җиңүчене ачыклаган.
Барлыгы 22 уен уйналган, 88 туп кертелгән. Иң күп туп кертүчеләр: Адемир (Бразилия) - 8 туп, Оскар Мигуес (Уругвай) - 5 туп.
Хәлиткеч мачта Уругвай җыелмасы Бразилияне 2:1 исәбе белән җиңеп, икенче тапкыр дөнья чемпионы исеменә лаек булган.