Фәрит Фәтхуллин урамы (Казан)

Фәрит Фәтхуллин урамы (рус. улица Фарита Фатхуллина) — Казанның Идел буе районында, шәһәрнең тарихи үзәгендә урнашкан урам. Ш. Камал урамы белән киселештән башланып, Г. Тукай урамы белән киселештә тәмамлана. Яшьләр, Җитештерү, С. Садыйкова урамнары белән кисешә. Казанда туган Советлар Берлеге Каһарманы хәрби очучы Фәрит Фәтхуллин (1914-1942) исемен йөртә.

Фәрит Фәтхуллин урамы

Төбәк	Татарстан
Шәһәр	Казан
Район	Идел буе районы
Кисеп үтә	Сара Садыйкова урамы, Җитештерү урамы, Яшьләр урамы һәм Шәриф Камал урамы

Тарих

Элекке исемнәре — Сабын кайнату урамы (? — 1920-еллар), Әҗем урамы (1914?), Сабынчы (вариант: Сабанчы, 1920-еллар — 1965). Казанда туып-үскән, укыган, «Заря» фабрикасында кондитер ярдәмчесе булып эшләгән Советлар Берлеге Каһарманы Фәрит Фәтхуллин (1914-1942) истәлегенә урам исеме үзгәртелгән.

Игътибарга лаек обьектлар

• Әҗем мәчете
• Ф. Фәтхуллинга багышланган стела

Галерея

• Фәрит Фәтхуллин урамы
• 
  Әҗем мәчете

Сылтамалар

• Гараева Ильсия. В каком состоянии казанские улицы, названные в честь героев войны? «Казанские ведомости», 23.04.2015(үле сылтама)
• Фәрит Фәтхуллин урамы Казан картасында