Противогаз
Противогаз яки газ битлеге[1] — индивидуаль саклану чарасы, тын алу органнары, йөз һәм күзләрне зәһәрле радиоактив матдәләр вә бактериаль чаралар тәэсиреннән химая итүче әсбап. Фильтрлаучы вә изоляцияләүче төрләргә бүленә.
Фильтрлаучы газ битлеген 1915 елда Николай Зелинский уйлап тапкан. Ул газны тазарта торган тартмачык, битлек-очлам һәм аларны тоташтыручы торбачыктан гыйбарәт булган. Шундый газ битлеге тирәсендәге зарарланган һаваны тазартып бирә.
Изоляцияләүче газ битлеге регенератив патрон, тын алу капчыгы, каркас, битлек-очлам һәм тоташтыручы торбачыктан гыйбарәт. Шундый битлек комплектында ампулалы тармачык, сумка һ.б. була. Изоляцияләүче битлек тышкы һавадан файдаланмый, аның регенератив патронындагы әче тудыргыч белән тын алына.
Чыганаклар үзгәртү
- Противогазлар музее
- Противогазларның сурәтләнеше 2008 елның 28 октябрь көнендә архивланган.
Искәрмәләр үзгәртү
- ↑ Охрана труда в сельском хозяйстве. Русско-татарский словарь. Казан, 2008.