Нәгыймә Таҗдарова
Нәгыймә Таҗдарова, Нәгыймә Әхмәдулла кызы Әхмәдуллина (Таҗдарова, 23 май 1888, Утар-Аты, Олы Мәңгәр вулысы, Казан өязе, Казан губернасы, Россия империясе — 16 март 1947 (58 яшь), Казан, РСФСР, СССР) — татар театрына нигез салучыларның берсе. Уфа дәүләт татар-башкорт күрсәтмә театры, Камал театры артисты. ТАССР халык (1939), РСФСР атказанган (1940) артисты.
| Нәгыймә Таҗдарова | |
|---|---|
 | |
| Туган телдә исем | Нәгыймә Әхмәдулла кызы Әхмәдуллина |
| Туган | 1888 Казан губернасы Казан өязе Утар-Аты авылы |
| Үлгән | 1947 Казан, РСФСР, СССР |
| Яшәгән урын | Горький урамы, 13[1] |
| Милләт | татар |
| Ватандашлыгы |  Русия империясе→ РСФСР→ ССРБ |
| Һөнәре | актер |
Тәрҗемәи хәле үзгәртү
1888 елда Казан губернасы Казан өязе (хәзерге Арча районы) Утар-Аты авылында туган.
Хезмәт юлы үзгәртү
1914 елда «Сәйяр» труппасында эшли башлый. Ватандашлар сугышы елларында (1918-1919) Беренче армия һәм Төркистан армиясе сәяси бүлекләре каршындагы фронт театр бригадаларында чыгышлар ясый.
1922–1926 елларда — Уфа дәүләт Татар-башкорт күрсәтмә театрында (хәзерге М. Гафури исемендәге Башкорт дәүләт академия драма театры). 1926 елның көзеннән Г. Камал исемендәге Татар дәүләт академия театрында.
Иҗаты үзгәртү
Тормышчан, ышандыргыч образлар иҗат иткән зур талантка ия булган күренекле артистка. Каһарманнарының күңел дөньясын бөтен тирәнлеге белән ачып бирә. Ул иҗат иткән образлар нечкә күңелле, нәзакәтле булулары белән аерылып торалар[2].
Уйнаган рольләре үзгәртү
- Һаҗәр — «Ямьсез тормыш» Ф. Сәйфи-Казанлы
- Рокыя — «Тигезсезләр» Ф. Әмирхан
- Мария Антоновна — «Ревизор» Н. Гоголь
- Сәгыйдә — «Күмелгән кораллар» Һ. Такташ
- Татьяна — «Сыну» (Разлом) Б. Лавренев
- Ләйлә — «Миркәй белән Айсылу» Н. Исәнбәт
- Оксана — «Эскадра һәлакәте» А. Корнейчук
- Каринкина — «Гаепсездән гаеплеләр» А. Островский
- Айсылу — «Наёмщик» Т. Гыйззәт
- Хөбәйбә — «Мактаулы заман» Т. Гыйззәт
- Гөлниса — «Ташкыннар» Т. Гыйззәт
- Саҗидә — «Шәмсекамәр» М. Әблиев һ. б.
Бүләкләре, мактаулы исемнәре үзгәртү
Искәрмәләр үзгәртү
Чыганаклар үзгәртү
- И. Илялова. Г. Камал театры артистлары. Казан: ТКН, 1996. ISBN 5-298-00708-2
- Мәхмүтов Һ., Илялова И., Гыйззәт Б. Октябрьгә кадәрге татар театры: очерклар. Казан: ТКН, 1988.
- С. Гыйззәтуллина-Волжская турында истәлекләр. Казан, 1982.