Мальдив теле

Мальдив теле, шулай ук Дһивеһи яки Дивеһи эндонимы буларак мәгълүм (Дһивеһи телендә: ދިވެހި, әйтелеше [d̪iˈʋehi]) ул Көньяк Азия Мальдив утрау илендә һәм Һиндстанның Берлек Территориясе Лакшадвипта Миникой Утравында сөйләшелә торган Инд-Арий теле. Мальдив теленең билгеле диалектлары бар. Стандарт диалект башкала шәһәре Маленыкы. Иң зур диалекталь аерма булып Мальдивларның көньяк Хуваду, Адду һәм Фуваһмулаһ атолларында. Бу атолларның һәрберсенең үз диалекты бар, алар бер-берсенә бик охшаш, әмма төньяк атоллардан бик аерылып торалар.
Тел өчен этник эндоним булып Дивеһи тора. Мальдив теле Тһаана язмасы белән языла. Ул уңнан сулга таба языла.
Мальдив теле Элу Пракрит теленең токымы булып тора һәм Сингал теленә бик якын. Гасырлар буена Мальдив теленә күп телләр йогынты ясаган. Аларга Гарәп теле, Француз теле, Фарсы теле, Португаль теле, Һиндустани теле һәм Инглиз теле керә. Инглиз телендәге атолл (мәрҗән утраулары яки рифлар боҗрасы) һәм дһони (атолл эчендә навигация өчен көймә) Мальдив атолу һәм дони сүзләренең Инглиз теленә яраклаштырылган формалары булып тора. Европа экспансиясенә кадәр ул иң көньяк Инд-Европа теле булган.