Иңбаш поясы
Иңбаш поясы (өске очлыклар поясы, җилкә поясы) — өске очлыкларның терәк-хәрәкәтен тәэмин итүче сөякләр (умрау һәм калак парлары) һәм мускуллар җыелмасы. Кайбер хайваннарда өченче парлы сөяк - коракоид та очрый. Иңбаш поясы сөякләре акромиаль-умрау буынтыклар белән тоташкан. Күкрәк читлеге белән күкрәк-умрау буынтыклары һәм калакны тотучы мускуллар ярдәмендә, ә ирекле өске очлыклар белән - иңбаш буыннары ярдәмендә тоташкан.[1]
Кайбер имезүчеләрдә (этләрдә, атларда) иңбаш поясы сөякләре урынына калак кына бар. Шуңа да иңбаш поясы күчәр скелеты белән мускуллар ярдәмендә тоташкан.
Искәрмәләр үзгәртү