Дию

Дию (себ.татар- тив; башк.- дейеу) — төрки халыкларның мифларында явыз җан ияләре.

Низами Гянджевиның «Махан сихерләнгән урманда» хикаясендә Дию сурәте.

Ышанулар буенча, диюләр — бик күп көчкә ия, дәрманлы, берничә башлы алыплар. Алар ике җенесле дә була алганнар.

Кайбер төркиләрдә алар циклоплар кыяфәтендә дә булганнар. Гагауз һәм төрекләрдә диюләр — зур күкрәкле хатын-кыз алыплар.

Башкортларда һәм татарларда диюләрнең үз җир асты патшалыклары да бар.

Үзбәк, казакъ, кыргыз мифларында алар уңай персонажлар булып саналганнар һәм кешеләргә калалар, кирмәннәр төзүчеләр, сихерчеләрнең ярдәмчеләре булып сурәтләнгәннәр.

Шулай ук карагыз

Дию пәрие

Пәри

Чыганаклар

• Татар халык мифлары