Гордон Ньюфелд
Гордон Ньюфелд (ингл. Gordon Neufeld, 1946 ел, Канада, Ванкувер) — фәлсәфә фәннәре докторы, Канада (Ванкувер) психолог-девелопменталисты, табиб Габор Матэ белән берлектә язылган “Балаларыгызны ычкындырмагыз” (Hold on to Your Kids: Why Parents Need to Matter More Than Peers)[1] китабының авторы. Хәзерге вакытта китап 10 телгә тәрҗемә ителгән, шул исәптән рус теленә дә[2]. Ньюфелдның алымы (аның ияләнүгә нигезләнгән үсеш концепциясе) Джон Боулбиның ияләнү теориясенә нигезләнә[3]. Ньюфелд ияләнүнең алты баскычтан торган теориясен эшләп чыгарган, шулай ук ул ияләнүнең полярлашуы төшенчәсенә дә аңлатма бирә, ә бу төшенчә исә оялчанлыкны да, саклану максатында читләшүне дә аңлата. Аның ияләнү моделе универсаль: аны олыларга да, балаларга карата да, өйдә дә, уку йортында да файдаланырга була.
| Гордон Ньюфелд ингл. Gordon Neufeld | |
|---|---|
 | |
| Туган | 1946 Канада, Ванкувер |
| Ватандашлыгы |  Канада |
| Әлма-матер | Британ Колумбиясе университеты[d] |
| Һөнәре | психолог-девелопменталист |
| Эш бирүче | Британ Колумбиясе университеты[d] |
| Балалар | биш бала |
| Гыйльми дәрәҗә: | фәлсәфә фәннәре докторы[d] |
| Сайт | neufeldinstitute.com |
Моннан тыш, Ньюфелд Канадада Ванкувер шәһәрендәге Ньюфелд Институтына (Neufeld Institute) нигез салучы. Институт белгечләргә һәм әти-әниләргә шәхси белем бирү программалары, шулай ук презентацияләр, семинар һәм курслар, шул исәптән видеокурслар тәкъдим итә. Укыту берничә телдә алып барыла: инглиз, француз, алман, испан, иврит, швед һәм рус телләрендә[4].
Сылтамалар үзгәртү
Искәрмәләр үзгәртү
- ↑ Gordon Neufeld. Hold On to Your Kids. — Random House LLC., 2006. — С. 320. — ISBN 978-0-375-76028-0
- ↑ Гордон Ньюфелд. Не упускайте своих детей. Hold On to Your Kids. — Издательство "Ресурс". — С. 384. — ISBN 978-5-905392-08-5
- ↑ What IS Attachment and How Do You Get It? 2012 елның 7 октябрь көнендә архивланган. Mothering.com (ингл.)
- ↑ The Neufeld Institute 2012 елның 14 апрель көнендә архивланган.. Official site (ингл.)