Владимир Латыйпов-Догадов

Владимир Геннадьевич Латыйпов-Догадов (1962 елның 22 апреле, Октябрьски, Башкорт АССР, ССРБ) — Башкортостан Республикасының рус академия драма театры артисты. Башкортстан Республикасының халык артисты (2004).

Владимир Латыйпов-Догадов
Туган	22 апрель 1962(1962-04-22) (61 яшь) Октябрьски, Башкортстан, РСФСР, СССР
Ватандашлыгы	СССР  Россия
Әлма-матер	Уфа дәүләт сәнгать институты
Һөнәре	актёр

Тормыш юлы

1962 елның 22 апрелендә Башкорт АССРның Октябрьски шәһәрендә дөньяга килә.

1983 елда Уфа дәүләт сәнгать институтын (атказанган сәнгать эшлеклесе П. Р. Мельниченко курсы) тәмамлый.

1983 елдан Башкортостан Республикасы дәүләт академия рус драма театры актёры булып эшли.

1990 елдан Владимир Геннадьевич Башкортстанның Театр эшлеклеләре берлеге әгъзасы булып тора.

Спектакльләрдә рольләр

Владимир Латыйпов-Догадов спектакльләрдә түбәндәге рольләрне башкара: Елеся (А. Н. Островскийның «Тиен дә юки иде, кинәт алтын»), Собачкин (Н. В. Гогольнең «Петербург повестьлары» буенча А. Поламишевның «Ах, Невский!..»), Редькин (А. Козловскийның «Эффект Редькина»), Пашка Остапчук (Б. Васильевның «Иртәгә сугыш булган»), Володька-лейтенант (В. Кондратьевның «Яралану буенча ял»), Дрозд (Э. Ростанның «Шантеклер»), Кеше-улы (Л. Сальвэрның «Чебеннәр көче»), Тригорин (А. П. Чеховның «Чайка»), Эдмунд Кин (Г. Горин «Мәңгелеккә чакырам, Галиҗәнап»), Тюрянинов (А. Сумбатов-Южинның «Лачын һәм каргалар»), Ардальон Передонов (Ф. Сологубның «Кечкенә җен» романы буенча В. Семеновскийның «Җанвар») һәм башкалар.

Бүләкләр

• Россия Федерациясенең атказанган артисты (2007);
• Башкортстан Республикасының халык артисты;
• «Редькин эффекты» спектаклендәге Редькин роле өчен А. Мөбарәков исемендәге Башкортстан Республикасы Театр әһелләре берлеге премиясе (1989);
• Г. Сәләм исемендәге Комсомол премиясе — рольләр җыелмасы өчен (1990);
• «Театр актёрлары җырлый» Республика телевизион конкурсы дипломы (1994);
• «Иң яхшы дуэт өчен» призы (Т. М. Гарипов белән берлектә — Кин IV һәм Георг IV «Мәңгелеккә чакырам, Галиҗәнап» спектаклендә) «Театр язы» Республика Фестивалендә (Салават, 2003);
• «Матбугат-2002» (Уфа) рейтингы буенча «Икенче пландагы иң яхшы ир-ат роле» призы («Лачын һәм каргалар» спектаклендәге Тюрянинов роле өчен);
• «Җанвар» спектаклендә Ардальон Передонов роле өчен «Чикләрсез театр» Халыкара фестиваленең жюри призы (Магнитогорск, 2005);
• «Матбугат-2005» рейтингы буенча (Уфа) «Иң яхшы ир-ат роле» призы («Бакчачылар» спектаклендә Басов роле, «Җанвар» спектаклендә Передонов роле, «Венеция игезәкләре» спектаклендәге Тонино һәм Дзанеттоның рольләре өчен);
• «Матбугат-2009» (Уфа) рейтингы буенча «Иң яхшы дуэт» номинациясендә приз (И. Агашкова белән бергә — «Күкләр музыкасы» спектаклендә Джордж һәм Шарлотта Хэй рольләре өчен).

Сылтамалар

• Абросимова Т. П. Латыпов-Догадов Владимир Геннадьевич.// Статья в Башкирской энциклопедии.(үле сылтама)