Васильсурск

Васильсурск (рус. Васильсурск, искергән Василь, чирм. Шурдӱҥ — «Шурдүң», таулы чирм. Шурдӹнг) — Түбән Новгород өлкәсенең Воротынец районында урнашкан шәһәр тибындагы бистә.

Васильсурск
Ил	РоссияРоссия
Өлкә	Түбән Новгород өлкәсе
Район	Воротынец районы
Координатлар	56°7'39"тн, 46°0'26"кнч
Беренче телгә алу	1523
Мәйдан	7 км²
Мәркәз биеклеге	100 м
Халык саны	1 069 кеше
Сәгать кушагы	UTC+4
Телефон коды	+7 83164
Почта индексы	606263

Халык саны — 1 069 кеше (2010).

География

Васильсурск Иделнең уң ягында, аңа Сыры елгасы кушылган җирдә, Түбән Новгороддан 152 километр көнчыгыштарак урнашкан.

Тарих

Васильсурск 1523 елда Василий III тарафыннан Цепель дип аталган мари шәһәрлеге урынында ныгытма буларак нигезләнә.

Зөя шәһәре нигезләнүдән һәм Казан ханлыгы басып алудан соң үз мөһимлеген югалта.

1781 елдан Түбән Новгород калгайлыгы (1796 елдан — Түбән Новгород губернасы) Васильсурск өязе үзәге булып торган.

1860 елда Васильсурскта 1 чиркәү, 450 йорт һәм 19 лавка (кибет) булган.

1927 елда Васильсурск өязе бетерелә, ә Васильсурск Воротынец районы составына шәһәр тибындагы бистә буларак кертелә.

Халык

1840	1859	1897	1959	1970	1979	1989	2002	2010
2 060	2 564	3 889	5 894	3 614	2 771	1 871	1 329	1 069

Милли состав (2002): руслар — 86,1% чирмешләр — 7,8%, чуашлар — 4,7%.

Икътисад

Балык хуҗалыгы, елга пристане.

Галерея

• 
•