Polivinilxlorid

Polivinilxlorid — sızıqça makromolequlaları «baştan — qoyrıqqa» tibında tözelgän termoplastik polimer.

Anı tabu, tarqalğanda çılbırnı üsterä başlaw öçen, irekle radikallar birüçe initsiator qatnaşında xlorvinilnı (vinilxloridnı)radikallı polimerlaştıruğa nigezlängän.

Sostavı häm tözeleşe buyınça polivinilxloridnı polietilennıñ xlor belän almaştırılğanı itep qararğa mömkin. Wodorod atomnarınıñ ber öleşen almaştırğan xlor atomnarı uğlerod atomnarı belän bik nıq totaşqan. Şuña kürä polivinilxlorid kislotalar häm seltelär tä'sirenä bireşmi, yaxşı dielektrik üzleklärgä, mexanik nıqlıqqa iä. Ul yanmıy, läkin cılıtqanda çağıştırmaça tiz tarqala, bu waqıtta xlorovodorod ayırılıp çığa.

Polivinilxlorid nigezendä ike tiptağı plastmassa: şaqtıy qatı viniplast häm yomşağraq plastikat tabıla. Polimernıñ tarqaluın buldırmaw öçen, plastmassağa stabilizatorlar östilär, yomşaq plastikat tapqanda, monnan tış, plastifikatorlar da quşalar. viniplasttan ximik yaqtan totrıqlı torbalar, ximik apparatlar öçen detal'lär, aqqumulyator bankaları h. b. küp närsälär yasıylar.