Анаксимандр: юрамалар арасында аерма

'''Анаксимандр Милетлы''' ({{lang-grc|Ἀναξίμανδρος}}) — [[Борынгы Греция|борынгы грек]] [[фәлсәфәче]]се, математик, астроном. [[Натурфәлсәфә]] өлкәсендә [[милет мәктәбе]]нең вәкиле - [[Фалес Милетлы]]ның укучысы, [[Анаксимен|Анаксимен Милетлы]]ның [[укытучы]]сы. [[Проза]] рәвешендә язылган беренче грек [[фәнни хезмәт]] авторы («Табигать турында»).

Анаксимандр дөньяның әүвәл нигезен [[апейрон]] дигән термин белән атый. Галим фикеренчә, апейрон үзендә «чиксезлек» дигән мәгънәне туплый. Икенче төрле әйткәндә, «аныксыз материя». Башка борынгы грек фәлсәфәчеләреннән аермалы буларак, ул әүвәл нигезне ниндидер бер генә матдәгә кайтарып калдырмый. Апейрон — барысының да җыелмасы, синтезы. Ул — туктаусыз хәрәкәттә һәм үзеннән чиксез сандагы төрләрне тудырып тора. Дөнья — капма-каршылыклар тупланышы, алар барлык предметларны, күренешләрне үзгәртүче дә. Анаксимандр фикеренчә, тереклек тупланган дөньялар чиксез санда. Алар бер-берсеннән тигез аралыкларда яшиләр.

Анаксимандрның әлеге карашларын соңрак кайбер башка фәлсәфәчеләр дә яклыйлар: [[Левкипп]], [[Демокрит]], [[Эпикур]].

Анаксимандр фикеренчә, [[Җир]] — дөньяның үзәге. [[Кояш]], [[Ай]] һәм [[йолдыз]]лар аның тирәсендә әйләнеп йөриләр. Бу фикер, соңрак төзәтелсә дә, аның авторы Анаксимандр күк гөмбәзе теорияләрен башлап җибәрүче булып санала.

Анаксимандр — дөньяда беренче [[харита|географик харита]] төзүче, беренче [[кояш сәгате]], астрономик әсбаплар эшләп бирүче.

* [[Казбек Гыйззәт|Гыйззәтов К.Т.]], Философия: 2 китап. 1 нче китап: Кыскача философия тарихы. Философиянең нигез проблемалары: Югары уку йорты өчен дәреслек.