İske tatar ädäbi tele: юрамалар арасында аерма

'''İske Tatar ädäbi tele''' ([[İske imlâ]]: ''ىسکى تاتار تلى ''), qayber etnik qärdäş xalıqlarnıñ – [[Tatar]]., [[Başqort]], öleşçä [[Qazaq]] häm [[Nuğaylar]]nıñ ğomumí yazma ädäbi tele. İske Tatar ädäbi tele [[İdel buyı Bolğar]] däwlätendä häm [[Altın Urda]]da qullanılğan borınğı [[Türki tele|Törki ädäbi telneñ]] cirle variantı nigezendä barlıqqa kilä. [[12. yöz|12-]][[14. yöz]]enlärdäge ädäbi tel İske Tatar ädäbi tele formalaşunıñ başlanğıç çorı itep qarala. Ul [[matur ädäbiät]]tä ([[Qol-Ğäli]], [[13. yöz]]). xalıq awaz ícatı äsärlärendä, dini ädäbiättä, qäber taşları yazmalarında kiñ çağılış taba. İske tatar ädäbi tele [[Qazan Xanlığı]] çorında formalaşıp betä häm [[15. yöz]]dän [[19. yöz]]neñ urtası qädär [[Tatar xalqı]]nıñ törle ictimağ0ı ölkälärendä qullanıla. Bu teldä [[Möxämmädyar]] poémnarı, ([[16. yöz]]), [[Mäwla Qolí]] xikmätläre ([[17. yöz]]), [[Qadírğäli]] bäkneñ taríxí äsärläre ([[17. yöz]] başı), "Däftäre Çıñğıznamä" ([[17. yöz]]) häm başqa äsärlär yazıla. Ul çordan qalğan matur ädäbiät äsärlärendä, fänni ädäbiättä, ictimağí-publisistik yazmalarda, räsmi eş qäğäzlärendä häm başqa janrdağı yazmalarda [[Bolğar]]-[[Qıpçaq]] söyläşenä häm [[Uyğır]]-[[Uğız]] tellärenä xas üzençäleklär saqlana. Bu – Törki yazma tradisílarnıñ däwam itüe häm [[İdel buyı]]nda, ş.i. [[İdel buyı Bolğar]] däwlätwendä törle etnik qärdäş xalıqlarnıñ aralşuı häm quşılıp kitüe belän dä añlatıla.