Гөлнара Кәшипова: юрамалар арасында аерма

'''Гөлнара Кәшипова''', Кәшипова Гөлнара Шәүкәт кызы ([[1973 ел|1973 елның]] [[16 май|16 мае]], [[СССР]], [[РСФСР]], [[ТАССР]], [[Әлмәт районы]], [[Кама Исмәгыйль]]) — драма актрисасы, [[Әлмәт татар драма театры]] артисты ([[1990 ел|1990 елдан]] башлап). [[Татарстан Республикасының Атказанган артисты|Татарстанның атказанган артисты]] (2014).<ref name="a0">[http://almetteatr.ru/o-teatre/personalii/aktery/kashipova-gulnara-shaukatovna/ Кашипова Гульнара Шаукатовна | Альметьевский драматический театр]</ref>

[[1973 ел|1973 елның]] [[16 май|16 маенда]] [[ТАССР|ТАССРның]] [[Әлмәт районы]] [[Кама Исмәгыйль]] авылында туа.<ref name="a0" /> Мәктәпнең 8 сыйныфын тәмамлагач, [[1988 ел|1988 елда]] Әлмәт шәһәренең беренче санлы Һөнәри училищесындагы тегүчелек бүлегенә укырга керә. 1990 елда, укуханәнең 3нче курсында, театр юлына баса һәм [[Әлмәт татар драма театры|Әлмәт татар драма театрында]] эшли башлый. Моның сәбәпчесе актер [[Рәис Галиев]] була.<ref name="a1">[https://matbugat.ru/news/?id=3762 Гөлнара Кәшипова: «Сәхнәдә мин Гөлнара түгел» | Матбугат.ру]</ref>

[[2001 ел|2001 елда]] [[Казан театр укуханәсе|Казан театр укуханәсенә]] читтән торып укырга керә, аны [[2005 ел|2005 елда]] тәмамлый.<ref name="a0" />

[[1990 ел|1990 елның]] [[19 октябрь|19 октябрендә]] беренче тапкыр Әлмәт театрына аягын баса. Беренче көннәрдә үк, әле роле булмаса да, ул вакыттагы директор Рамил Вәлиуллин кушуы белән Гөлнараны [[Азнакай районы|Азнакай районына]] 20 көнлек гастрольгә алып чыгаларкитәләр. Иң башта ул бер роль дә уйнамый, спектакльләрне халык белән залдан карый. Әмма шундый көннәрнең берсендә «Тапталган чәчәкләр»дә уйнаучы актриса авырып китә. Куркырга да өлгерми калмаган Гөлнараны сәхнәгә бастыралар. Бу [[Фоат Садриев|Фоат Садриевның]] «Яшьләй сөйгән ярлар»ындагы Гүзәл роле була.<ref name="a1" />

Бүгенге көндә ул театр белгечләре, тамашачылар тарафыннан югары бәя алган актриса. Режиссерлар да аны төп рольләргә һич икеләнми сайлыйлар. Жанр төрлелеге дә Гөлнара Кәшиповага киртә була алмый, яшь кыз яки әби рольләрен дә актриса бердәй уңыш белән башкара. [[Туфан Миңнуллин|Туфан Миңнуллинның]] «Җанкисәккәем»ендәге Шүрәлинә, [[Ризван Хәмид|Ризван Хәмиднең]] «Көзнең сары яфраклары»ндагы Сәхия, [[Гафур Каюмов|Гафур Каюмовның]] «Их, Алла боерса»сындагы Сәйлән, «Сагынырсың әле син дә бер...»дәге Гөлсинә, [[Флорид Бүләков|Флорид Бүләковның]] «Әбиләргә ни җитми?» спектаклендәге Хәнә әби образларын башкарып, ул үзен зур иҗат мөмкинлекләренә ия артистка итеп раслый. Ул башкарган образлар самимилек, сөйкемлелек һәм ихласлык белән күңелгә хуш килә.

* ''Гөлсылу'' – “Очрашырбыз, Гөлсылу” (Ю.Әминов),

* ''Зөбәрҗәт'' – “Ай тотылган төндә” ([[Мостай Кәрим|М.Кәрим]]),

* ''Гөлбану һәм Миңниса'' – “Татар хатыны ниләр күрми” ([[Галимҗан Ибраһимов|Г.Ибраһимов]]),

* ''Диләрә'' – “Җырчы сандугачым” (Г.Исхаков),

* ''Махирә'' – “Безнең авыл кызлары” (Ф.Садриев),

* ''Хәмди'' – “Банкрот” ([[Галиәсгар Камал|Г.Камал]]),

* ''Зөлхиҗә'' – “Юллар ярда өзелә” (Н.Гаетбай),

* ''Сәйлән'' – “Их, алла боерса” ([[Гафур Каюмов|Г.Каюмов]]),

* ''Сәхия'' – “Көзнең соңгы яфраклары” (Р.Хәмид),

* ''Зәринә'' – “Синең өчен үзем үләрмен” (М.Маликова),

* ''Софи'' – “Мәкер һәм мәхәббәт” (Ф.Шиллер),

* ''Дию, II сәхнә хезмәтчесе'' – “Гашыйк Кәриб” (М.Лермонтов),

* ''Бибкәйнур'' – “Кыю кызлар” (Т.Гыйззәт),

* ''Тәлли'' – “Аршин мал алан” (Г.Хаҗибәков),

* ''Шин ханым'' – “Бистә фәрештәсе” (Б.Брехт),

* ''Сәйдә'' – “Сигезле бию” (Р.Сабыр),

* ''Гөлсинә'' – “Сагынырсың әле... син дә... бер...” (Г.Каюмов),

* (Г.Каюмов), ''Диләфрүз'' – “Әрәмәлек кияүләре” ([[Туфан Миңнуллин|Т.Миңнуллин]]),

* ''Дилбәр'' – “Җырланмаган җыр” (М.Кәрим),

* ''Рәшидә'' – “Ахырзаман авазы” (Г.Каюмов),

* ''Гөлнур'' – “Сүнгән йолдызлар” (К.Тинчурин),

* ''Хәнә'' – “Әбиләргә ни җитми?” (Ф.Бүләков),

* ''Әминә'' – “Туган-тумача” ([[Илгиз Зәйниев|И.Зәйниев]]),

* ''Фирая'' – “Синсез килгән язлар” (З.Кадыйрова),

* ''Зайнап апа'' – “Адашкан ир” (Р. Габделхакова),

* “Аhәң”''Аhәң'' – Новелла “Әби казаны”,

* ''Дания'' – “Йөрәк сере” (Л.Әминова) һ.б..<ref name="a0" />

Гөлнара бер-бер артлы ике бала таба ([[2010-еллар]] башы), шуңа роль әзерләп өлгерә алмый һәм алты елга театрдан китеп торырга мәҗбүр була. Шуннан җанга рәхәтлек бирә торган шөгыль таба - сценарийлар яза башлый. Балалар өчен язылган сценарийларның берсе - "Җенле юл кагыйдәләре" дигәне сәхнәләштерелә. "Бал бабай" пьесасы да Әлмәт театры белгечләре тарафыннан җылы кабул ителә.<ref name="a2" /> Шулай ук Гөлнараның балалар өчен әкиятләре, Яңа ел тамашалары һәм тәрҗемәләре дә бар. [[2011 ел|2011 елда]] ул [[Михаил Лермонтов|М. Лермонтовның]] әзәрбәйҗан дастаны нигезендә язылган «Гашыйк Кәриб» кыйссасын тәрҗемә итә, аны сәхнәгә Искәндәр Сакаев куя.