Ширияздан Сарымсаков: юрамалар арасында аерма

Татар дәүләт академия театрында утыз ел эшләү дәверендә Ш.Сарымсаков татар, урыс һәм чит ил драматургларының җитмештән артык пьесасын сәхнәгә куя. Аның тарафыннан сәхнәләштерелгән [[Николай Гоголь|Н.Гогольнең]] «Ревизор», [[Александр Островский|А.Островскийның]] «Төшемле урын», [[Максим Горький|М. Горькийның]] «Вәхшиләр», Н. Погодинның «Мылтыклы кеше», М. Әблиевнең «Шәмсекамәр», [[Кәрим Тинчурин|К. Тинчуринның]] «[[Зәңгәр шәл (спиктәкел)|Зәңгәр шәл]]», [[Әхмәт Фәйзи|Ә. Фәйзинең]] «Тукай», [[Таҗи Гыйззәт|Т. Гыйззәтнең]] «Шомлы көннәр», «Чаткылар» спектакльләре татар театры тарихында күренекле урын алалар.

Ш. М. Сарымсаков төрле елларда М. Җәлил исемендәге [[Татар дәүләт опера һәм балет театры]]нда [[Нәҗип Җиһанов]]ның «Ирек», [[Мансур Мозаффаров]]ның «[[Галиябану (спиктәкелопера)|«Галиябану»]]», [[Җәүдәт Фәйзи]]нең «[[Башмагым (спиктәкел, 1942)|«Башмагым»]]» һәм «Тапшырылмаган хатлар» музыкаль спектакльләрен сәхнәгә куя, Казан киностудиясендә «Салих Сәйдәшев», «Туган як моңнары» фильмнарын иҗат итә.

Ш. Сарымсаков зур педагогик эшчәнлек алып бара – 20 ел дәвамында [[Казан дәүләт мәдәният һәм сәнгать университеты]]ның режиссура кафедрасын җитәкли.