Хатыйп Миңнегулов: юрамалар арасында аерма

Хатыйп Миңнегулов башлангыч белемне [[1946 ел|1946]]—[[1950 ел|1950]] елларда туган авылында ала. Аннан күршедәге Пидәр (Федоровка) мәктәбендә укый. Җиденче сыйныфны төгәлләгәч, бер ел колхозда эшли. Аннан 25 км ераклыктагы [[Сарман районы]] [[Иске Кәшер]] урта мәктәбендә укый. [[1957 ел]]да, өлгергәнлек аттестаты алгач, ике еллап вакыт әүвәл [[Таҗикстан]]ның Ленинабад өлкәсендә заводта, мамык җыюда, аннан туган авылында колхозчы, клуб мөдире булып эшли. [[1959 ел|1959]]—[[1964 ел|1964]] елларда ул — [[Казан дәүләт университеты]]ның тарих-филология факультетындагы [[татфак|татар теле һәм әдәбияты бүлеге]] студенты. [[1962 ел|1962]]—[[1963 ел|1963]] уку елында, читтән торып укуга күчеп, [[Пенза өлкәсе]]нең хәзерге Белинский (ЧембарЧамбар) районы [[Качкару]] авылында балалар укыта. Университетны тәмамлагач, [[Сарман районы]]нда ике ел [[Чукмарлы]] мәктәбе директоры, колхозның партоешма секретаре (Чукмарлы — язучы [[Аяз Гыйләҗев]]нең туган авылы), аннан ел ярым КПССның район комитетында партия мәгарифе кабинеты мөдире булып эшли. [[1967 ел]]ның ноябреннән — [[Казан дәүләт университеты]]ның татар әдәбияты кафедрасы укытучысы. [[1972 ел]]да [[XIV гасыр]] төрки-татар шагыйре [[Сәйф Сарай]] турында кандидатлык, [[1991 ел]]да «Татар әдәбияты һәм Шәрык классикасы (Үзара багланышлар һәм поэтика мәсьәләләре)» темасына докторлык диссертацияләре яклый. [[1980 ел]]да доцент, [[1992 ел]]да профессор дәрәҗәләрен ала. [[1984 ел|1984]]—[[1989 ел|1989]] елларда — филология факультетында декан урынбасары. Берничә мәртәбә вакытлыча кафедра мөдире, декан вазифаларын башкара. [[1999 ел]]дан — татар әдәбияты кафедрасы мөдире.