Иммануил Кант: юрамалар арасында аерма

'''Иммануи́л Кант''' ({{lang-de|Immanuel Kant}} {{IPA|[ɪˈmaːnu̯eːl ˈkant]}}; [[22 апрель]] [[1724 ел|1724]], [[Кенигсберг]], [[Пруссия]]<ref>Бүгенге көндә [[Калининград]], [[Русия]]</ref> — [[12 февраль]] [[1804 ел|1804]], шунда ук) — [[Романтизм]] һәм [[Мәгърифәт чоры]] чикләрендә эшчәнлеген алып барган немец [[фәлсәфәче]]се, [[немец классик фәлсәфәсе]]нең башлап җибәрүчесе.

Бай булмаган һөнәрче гаиләсендә туа. Эммануил исемен Изге Эммануил хөрмәтенә бирәләр. Кант «Фридрихс-Коллегиум» дәрәҗәле гимназиясен тәмамлый, аннары Кенигсберг университетына керә. Атасының үлеме сәбәпле ул университетны тәмамлый алмый. Гаиләсен туендырыр өчен укуны ташлаганнан соң ул өй укытучысы булып эшли. Нәкъ шушы дәвердә, ягъни [[1747 ел|1747]]—[[1755 ел]]ларда ул үзенең әле дә актуальлеген югалтмаган [[Кояш системасы]]ның беренчел томанлыктан килеп чыгуы турындагы [[космогония|космогоник]] теориясен эшләп чыгара һәм нәшер итә.

[[1755 ел]]да Кант диссертациясен яклый һәм университетта укытырга рөхсәт бирүче доктор дәрәҗәсен ала. Аның кырык елдан артыкка сузылган укытучылык дәвере башлана.