Әбүбәкер Диваев: юрамалар арасында аерма

Әбүбәкер Әхмәтҗан улы Диваев [[1855 ел]]да татар [[морзалар]]ы гаиләсендә дөньяга килә. Бериш чыгынаклар аның туу җирен [[Ырынбур]] шәһәрен күрсәтсә, икенчеләр — [[Стәрлетамак өязе]]ндәге Тукай авылын. [[1876 ел]]да [[Ырынбур]]дагы [[Неплюев кадет корпусы]]н тәмамлаганнан соң, яшь белгеч [[Урта Азия]]гә чыгып китә һәм шунда озак еллар җаваплы эшләр башкара. Гади тәрҗемәче булып эшләгән Әбүбәкер Диваев [[Сырдәрья өлкәсе (Русия империясе)|Сырдәрья өлкәсе]] хәрби губернаторының ярдәмчесе итеп тәгаенләнә. Шул вакытта ул бар [[Төркистан генерал-губернаторлыгы|Төркистан]] төбәген аркылыга-буйга йөреп чыга һәм шунда яшәүче [[үзбәкләр]], [[татарлар]], [[каракалпаклар]], [[казакълар]], [[кыргызлар]]ның тормышын, гореф-гадәтләрен, йолаларын өйрәнә. Шулай ук [[төрки халыклар]]ның борынгыдан килгән иҗатын — мәкалләрен, җырларын, бәетләрен, робагыйларын, әкиятләрен язып туплый бара.