Джигме Палбар Биста: юрамалар арасында аерма

Джигме Биста Палбар (шулай ук Джигме Дордже Трандуиль Биста, 1930 елда Ло Мантанг, Непалда туган) 2008-енче елга кадәр Мустанг патшалыгының патшасы булган, бу патшалык Непалга керә. Ул патшалыкны 1400-енче елда нигезләгән риваять сугышчысы Аме Палның туры варисы, 25-енче хөкемдар. Аның рәсми титулы Гьялпо яки Непал формасында Раджа.

Джигме Палбар 1930-ынчы ел тирәсендә патшалыкның башкаласында, Ло Мантанг сараенда туган, Ангун Тенцинг Тандул патшаның кече улы булган. Ул Көньяк-көнбатыш Тибетта, Шигадзеда шәхси укуларын тәмамлаган һәм 1950-нче елда өйләнгән. Патша рәсми рәвештә һинд динен тота һәм өстәмә исем Биста ала. Турыдан туры варислары булмау сәбәпле, Джигме Палбар Биста үзенең туганының улын (энесен) варис итәргә ниятләнә. Джигме Биста Амарасингхе Палбар.

Мустанг Патшалыгы, халыкта шулай ук Ло буларак билгеле, Аннапурна массивыннан төньякка таба, Кали Гандаки елгасының үзәнендә Непал һәм Тибет арасындагы чигендә 2563 квадрат километр колачлый. 32 торак пунктта 6000 тирәсе яшәүче Тибет диалектларында сөйләшә һәм Буддизм динен тота. 20-нче гасырның уртасына кадәр Мустанг Непал дәүләтендә автономияле территория булган. Тибетны Кытай басып алгач һәм сәүдә юллары таркалудан соң ил үзенең бәйсезлеген югалта һәм Непал административ структурасында төньяк Мустанг районының тулысынча интеграцияләнгән өлеше булып китә. Хәзерге вакытта (2007) Ло патшалыгына җәяү яки җайдак буларак барып җитәргә мөмкин.

Патшаның бернинди рәсми сәяси хохуклары яки вәкаләтләре юк. Ул үз иленең сәяси-икътисадый кызыксуларын истә тота һәм ел саен Катманду һәм Тибетка сәяхәт итә.